Titulli:Parfumierja e Parisit
Origjinali:The Perfumist of Paris
Kategoria:Roman
Autori:Alka Joshi
Përktheu:Taulant Hatia
Botues: Mediaprint
Viti: 2024
Fq.358
Pesha: 0.600 kg
ISBN:9789928087096
Ky libër është në gjuhën shqipe
Mbi librin
“Parfumierja e Parisit” është pjesa e tretë e trilogjisë së Xhaipurit, shkruar nga autorja indiano-amerikane Alka Joshi, një histori që, sapo u botua, u ngjit në krye të listës së librave më të shitur dhe tashmë po shndërrohet në një film serial.
Paris, 1974. Tani Rada jeton në Paris, me bashkëshortin e saj Pierrin dhe dy vajzat. E ndien ende dhimbjen për djalin, që e dha për birësim shumë vite më parë, kur ishte ende fëmijë për vete, por i pëlqen që është nëna e dy vajzave dhe ka gjetur, më në fund, pasionin e jetës – thesarin e aromave.
Ka një vend pune emocionues dhe sfidues. Ajo punon për një mjeshtre parfumesh, të cilën e ndihmon të krijojë parfume të reja për klientët, duke ndërtuar njëherësh karrierën e saj, hap pas hapi. Dëshiron që Pierri ta kuptojë nevojën, që ajo ka për të punuar. E ndien që atij nuk i pëlqen, por nuk heq dorë nga diçka që e tërheq aq shumë.
Kur i ngarkohet projekti i parë i rëndësishëm, Rada udhëton në Indi dhe kërkon ndihmë nga motra, Lakshmi, dhe nga kurtizanet e Agrës, gra që dinë ta përdorin fuqinë e parfumeve për të joshur, ngacmuar dhe tërhequr. Është pranë një zbulimi të madh kur mëson se, djali për të cilin nuk i kishte folur kurrë bashkëshortit, është nisur drejt Parisit, në kërkim të saj, duke ia përmbysur kështu botën që e kishte menaxhuar me aq kujdes dhe duke e kërcënuar t’i shkatërrojë martesën e brishtë.
