Titulli: Një dashuri... helm
Origjinali:Agapi-dilitirio
Kategoria: Roman
Autori: Rena Rossi-Zairi
Perktheu: Albina Pulla
Botues: Toena
Viti: 2019
Fq. 472
Pesha: 0.530 kg
ISBN: 978-9928-277-29-9
Ky libër është në gjuhën shqipe
Mbi librin
- Në epokën e Bizantit ekzistonte një mbretëri, - fillova. - Vajza e mbretit ishte e dashuruar me djalin e mbretit të kështjellës së Kastelios, që gjendej përballë, në Kalimno. Djali u magjeps pas saj dhe u dashuruan. Por dashuria e tyre duhej të mbetej e fshehtë. Sepse prindërit e tyre, mbretërit, ishin armiq. Çdo natë djali përleshej me dallgët, që të kalonte përballë për të marrë në krahë të dashurën e tij. Notonte dhe mbante një pishtar. Një pishtar që e ndizte me kandilat e kishës. Që vajza ta shihte nga dhoma e saj dhe të rendte pranë tij. Dhe koha kalonte, dhe dashuria e tyre mbetej e fshehtë, derisa telashet e mbretërisë e detyruan të birin e mbretit ta harronte për pak të dashurën e tij.
Mora frymë thellë dhe vazhdova:
- Vajza e mbretit po çmendej nga ankthi. I lutej dhe i përgjërohej Shën Mërisë së Kastelios që ta ndihmonte. A jetonte i dashuri i saj? A ishte mirë? E dashuronte ende? E kishte harruar? Një natë, nuk duroi dot më. Lëshoi në det një varkë prej letre në të cilën fiksoi një qiri. Nëse varka kalonte pengesën e dallgëve, dhe nëse arrinte me qiririn të ndezur në kështjellë, në Kastelio, kjo do të ishte shenjë që i biri i mbretit nuk e kishte harruar, e dashuronte ende dhe ishte mirë.
Pushova së foluri. E vështrova. Ishte hutuar nga fjalët e mia.
