Kategoritë

Prodhuesit

Furnizuesit

Fjalor erotik frutash, lulesh e perimesh, Edmond Tupja Shihe të plotë

Fjalor erotik frutash, lulesh e perimesh, Edmond Tupja

Siç shihet edhe nga titulli i këtij fjalori, autori ka përfshirë në të lulet, frutat dhe perimet, duke u përpjekur jo vetëm të vërë në dukje tiparet erotike të këtyre tri kategorive, por edhe të provojë se, nga ana fonetike, shpesh emrat e tyre shpalosin ose krijojnë një atmosferë erotike, për të cilën rrëfen edhe një ngjarje krejt të imagjinuar.

Info shtesë

Disponueshëria: Në gjendje

$6.90

Me ulje çmimi!

-30%

$9.86

Titulli: Fjalor erotik frutash, lulesh e perimesh
Gjinia: Fjalor
Autori: Edmond Tupja
Shtëpia botuese: Pegi
Viti: 2017
Fq. 132
Pesha: 0.153 kg.
ISBN: 978-9928-228-66-6

Mbi librin

Siç shihet edhe nga titulli i këtij fjalori, autori ka përfshirë në të lulet, frutat dhe perimet, duke u përpjekur jo vetëm të vërë në dukje tiparet erotike të këtyre tri kategorive, por edhe të provojë se, nga ana fonetike, shpesh emrat e tyre shpalosin ose krijojnë një atmosferë erotike, për të cilën rrëfen edhe një ngjarje krejt të imagjinuar, por të përshtatshme vetëm për publikun shqiptar dhe për gjuhën shqipe.

Pa dashur të vëmë kufizime për lexueset dhe lexuesit, duhet të theksojmë se ky fjalor, gjithsesi zbavitës, do t'i shijonte më shumë një publiku të rritur dhe mundësisht me njëfarë përvoje erotike.

Fragment nga libri

Pjeshkë

Pemë me lule ngjyrë trëndafili, që bën kokrra të tulta të mbuluara me push dhe me bërthamë; pjeshkë çahje (shklese), së cilës i hiqet lehtë bërthama; pjeshkë mishnje, pjeshkë së cilës bërthama i veçohet me vështirësi nga tuli.

Në ditët tona, gjithkush e di që, me këtë emër frute, djemtë shqiptarë shenjojnë organin seksual të femrës. Por, lind pyetja, përse pikërisht me këtë emër? Pse jo kajsi, kumbull, mollë apo dardhë?

Ndoshta sepse emri "pjeshkë" filon me gërmën "p", me të cilën fillon edhe emri vulgar që shenjon organin në fjalë? Ndoshta sepse pjeshka e ka lëkurën me push? Ndoshta sepse ajo është e butë përbrenda? Ndoshta sepse pjeshka çahje ndahet mëdysh me një futje gishti te vendi i bishtit?

Ndoshta sepse, pasi i hiqet po aq lehtësisht bërthama, gropëza që kjo lë është bojë vishnje si thellësitë e dëshirueshme të trupit femëror? Sidoqoftë, pavarësisht se cila mund të jetë përgjigjja më e saktë, kur të rinjtë shohin t'u kalojë pranë ndonjë vajzë e bukur, shtathedhur dhe sexy, ata i thonë njëri – tjetrit, duke ulur zërin, por, nganjëherë, edhe duke e ngritur enkas: "Shih çfarë pjeshke!" ose "Hajde pjeshkë, hajde!".

Dy shprehje këto ku fjala "pjeshkë" mund të interpretohet si një metaforë për personin femëror në tërësi, pra jo vetëm për organin e saj seksual, por, kur veshi të zë, në gojën e njërit prej djemve, shprehjen "Të hëngsha pjeshkën", nuk ka më asnjë pikë dyshimi: fjala "pjeshkë" ka sërish kuptim metaforik, por, kësaj radhe, ajo shenjon vetëm vendin më intim të femrës që meshkujt e rinj ëndërrojnë të eksplorojnë me gishtin e njëzet e njëtë që natyra u ka falur aq bujarisht.