Kategoritë

Botuesit

Autorët

Kostandina, Alki Zei Shihe të plotë

Kostandina, Alki Zei

Vajza trembëdhjetëvjeçare Tina, kishte qenë shumë e lumtur kur jetonte në Gjermani, por një ditë gjithçka u kthye kokëposhtë. Nuk i kishte shkuar kurrë në mend se prindërit e saj do të ndaheshin dhe do ta dërgonin të jetonte në Greqi, me gjyshen që nuk e honepste dot.

Info shtesë

Disponueshëria: Në gjendje

$7.89

Me ulje çmimi!

-20%

$9.86

Titulli: Kostandina (kopertinë e trashë)
Origjinali: Η Κωνσταντίνα και οι αράχνες της
Gjinia: Roman
Autori: Alki Zei
Shqipëroi: Maklena Nika
Shtëpia botuese: Dituria
Viti: 2017
Fq. 206
Pesha: 0.334 kg.
ISBN: 978-9928-217-49-3

Mbi librin

Vajza trembëdhjetëvjeçare Tina, kishte qenë shumë e lumtur kur jetonte në Gjermani, por një ditë gjithçka u kthye kokëposhtë. Nuk i kishte shkuar kurrë në mend se prindërit e saj do të ndaheshin dhe do ta dërgonin të jetonte në Greqi, me gjyshen që nuk e honepste dot.

Konstandina duhet të lërë dhomën e saj të ngrohtë, miqtë e shkollën, që e pëlqen pa masë, e të ndryhet në dhomëzën që i ka bërë gati Farmuri. Kështu e quan gjyshen e çuditshme. Janë armike të betuara: gjyshja që nuk e lë rehat një çast e flet vetëm për të shkuarën, dhe Konstandina që nuk ia vë veshin kurrë.

Por tanimë nuk i bëhet vonë për asgjë: një shok i ka gjetur atë kokrrën në ngjyrë të kaltër, që bën çudira, e cila ia zgjidh të gjitha telashet. Ia zgjidh vërtet?

Është historia e një adoleshenteje, që dalëngadalë rrëshqet drejt drogës. Por është edhe historia e dy brezave, që nuk duan ta pranojnë se, pavarësisht nga mosmarrëveshjet, janë edhe të ngjashëm. Vlera e këtij romani nuk mbetet vetëm te subjekti.

Alki Zei ka aftësinë të vëzhgojë dhe të përshkruajë gjithçka përreth me stilin e saj të mrekullueshëm dhe me gjuhën e mistershme.

Komente mbi librin

"I shkruar me humor të zgjedhur e të hollë, me ndjenjën delikate të lumturisë së veçantë e të padjallëzuar, që na shoqëron në fëmijëri, një ndjenjë që bëhet edhe më e prekshme në kufijtë e një bote që po shkërmoqet..."

New York Times

"Një libër që lexohet menjëherë, i shkruar me një stil zbavitës dhe me humor. Ndër librat më të mirë për të rinj."

The Observer

"I mahnitshëm, shprehës dhe që të përfshin. Romani më interesant për fëmijë dhe të rinj të Alki Zeit."

Le Monde

"Librat e Alki Zeit kanë një cilësi të veçantë: thyejnë pengesat mes librave për adoleshentë dhe atyre për fëmijë – si dhe librave për të rritur. Pra, i lexojnë të gjithë."

To Vima