Gruaja e se dieles, Fruttero & Lucentini

Titulli: Gruaja e së dielës
Origjinali: La Donna della Domenica
Gjinia: Roman
Autori: Fruttero & Lucentini
Shqipëroi: Ilirjana Stringa
Shtëpia botuese: Tirana Times
Viti: 2011
fq. 472
Pesha: 0.51 kg
ISBN: 978-99956-847-9-3

Mbi librin

Udhët e Carlo Fruttero-s (Torino, 1926) dhe Franco Lucentini-t (Romë, 1920 - Torino, 2002) kryqëzohen për herë të parë diku në fund të viteve '40 në një hotel, në Paris.  Fruttero ishte transferuar në kryeqytetin francez për të gjetur punë, kurse Lucentini ishte laureuar në filozofi dhe kishte dhe kishte marrë pjesë në Luftën e Dytë.

Me t'u kthyer në atdhe, në vitet '50 nisin veprimtarinë si përkthyes, bashkëpunëtorë e redaktorë në Shtëpitë  botuese Einaudi e Mondadori.  Pasioni për shkencat, sidomos i Lucentini-t, i shtyn të hartojnë e publikojnë (1959-1961)për Shtëpinë Einaudi një ndër të parat antologji serioze të letërsisë fantastiko-shkencore në Itali.

Më vonë, nën siglën e Mondadori-t, drejtojnë Serinë "Urania" (1962­-1967): këtu fanta-shkenca e re shkon krah fantastikes tout-court me emra të tillë, si Ballard, Lovecraft, Asimov, Dick, Broën etj.  Fruttero & Lucentini janë po ashtu përkthyes të Beckett-it, Borgres-it, Robbe-Grillet-së, Salinger-it, Stevenson-it... Në këtë këndvështrim pra, romani i tyre i parë, La donna della domenica (1972), është njëherazi fryt i singjerisë së dy talenteve letrare dhe kondensim i zejes së dy lexuesve të specializuar.

Shquhen për aftësinë e spikatur në përvijimin e personazheve, soditjen dhe analizën e situatave psikologjike, hulumtimin në shtratin shoqëror të dukurive, si dhe humorin e hollë e mentalitetin e hapur.  Në dyshe, Lucentini sillte "idetë e tij të mëdha filozofike, shkencore e të romanit, të cilat, sikur dembelia të mos kish vënë, poshtë, do ta kishin bërë atë një rival të Einstein-it, Werner Hisenberg-ut", kurse Fruttero "njohjen e botës dhe të stilit" (Pietro Citati, La malattia dell infinito.  La letteratura del  Novecento, Mondadori 2008).

Ndër titujt e tyre më të njohur janë: La donna della domenica (1972), A che puno e la notte (1979), La monutencione del sorriso (1988), La verita sul casa D. (1989), La morte di Cicerone (1995), Nottambuli(2002), Viaggio di nozze al Louvre (2002), I ferri del mestiere (2002).  Pas vetëvrasjes së Lucentini-t, Carlo Fruttero ka shkruar dhe publikuar romanet: Donne informate sui fatti, Ti trovo un po pallida dhe Mutandine di chiffon.  Në 2010-n i jepet Çmimi i njohur kombëtar "Campiello" për karrierën.

Fragment nga romani

-Dukesh i lodhur. -Dhe jam i lodhur në fakt.
Ajo ngurroi.
-Don të të lexoj diÇka?
-Nuk e di. Leninin
-O qiell! - ia bëri Vittorio. -Edhe ti?
Ajo, që nga sipër mbështetës, i shtrëngoi kokën mes krahëve.  Nuk e kishte dashur kurrë kaq shumë.  Atë, dhe ata tre miliardë burrat që popullonin globin.