101 arsye se përse femrat arsyetojnë me tru dhe meshkujt me..., Eva Clesis

Titulli: 101 arsye se përse femrat arsyetojnë me tru dhe meshkujt me...
Gjinia: Udhërrëfyes praktik
Autori: Eva Clesis
Shqipëroi: Xhimi Lazri
Shtëpia botuese: Bota Shqiptare
Viti: 2015
Fq. 248
Pesha: 0.321 kg.
ISBN: 978-9928-00-139-9

Mbi librin

Nëse mendoni se për të shpjeguar gjithçka mjafton teoria që meshkujt vijnë nga Marsi dhe femrat nga Afërdita, do ju duhet ta mendoni sërish. 101 arsye se përse femrat arsyetojnë me tru dhe meshkujt me...

Vendi më i përbashkët dhe i abuzuar: femrat mendojnë, përpunojnë, reflektojnë, analizojnë (me pak fjalë, ndërtojnë një mal me paranoja) ndërkohë që meshkujt ndjekin instinktin (janë më kafshërorë). Me fjalë të tjera, organi që mbizotëron, varet nga gjinia e personit: Nëse për femrat është truri, që shpesh ushqehet dhe nxitet nga zemra, për meshkujt është në mënyrë të pamohueshme "rrushi".

Nëse si femra e mendoni veten mbi klasifikimet e thjeshta, atëherë mendoni pak të gjitha traktatet e psikologjisë që po prishni kur, duke parë me ankth telefonin, kërkoni shpjegime se përse ai nuk ju telefonon.

Nëse si meshkuj, mendoni se kjo nuk ju përket, tregohuni të sinqertë: do ju pëlqente më shumë të lexoni një libër, apo të ishit të pranishëm në përzgjedhjen e aktoreve për filmin e ardhshëm të Roko Sifredit?

Që nga "organi i mashkullit është një mjet matës universal" e deri tek kërkimi i princit të kaltër, ky manual argëtues do ju japë 101 argumente të pakundërshtueshme për të kuptuar se çfarë fshihet pas një mashkulli që thotë se "di të dëgjojë" dhe për të kuptuar se çfarë mendon një femër që thotë se vishet bukur "vetëm për t'u ndjerë mirë me veten". Për të vendosur nëse duhet t'ja mbathësh me të katra, apo të mundohesh të kuptosh personin e gjinisë së kundërt. Madje dhe të dashurohesh.

Mashkulli dhe femra mendojnë në mënyra dhe me organe – sipër dhe poshtë – të ndryshme: stereotip apo e vërtetë? 101 përgjigje në një libër që shpjegon të gjithë përsetë e këtyre ndryshimeve të pakalueshme mes gjinive.

Mbi autoren

Eva Clesis ka lindur më 1980 në Bari. Ka shkruar librat "Për darkë me Lolitën", "Guardrail", romanin "Vasco Rossi nuk gabon në asnjë disk" si dhe shumë artikuj dhe tregime që janë publikuar në revista dhe antologji.