• Banner

Pika drite ne eklips, Zija Cela
  • Pika drite ne eklips, Zija Cela

Pika drite në eklips, Zija Çela

Zija Çela është ndër të paktët, për shumëçfarë i vetmi, që kalimin nga diktatura në demokraci e bëri të qetë: një fije vazhdimësie konstante, e brendshme, e karakterizon prozën e tij që nga hapat e parë, deri në ditët e sotme. Është zjarri i pashuar që si tundim, si shqetësim dhe brengë, s'pushon së qeni i ndezur.

11,10 
Sasia
Në gjendje

Përshkrimi

Titulli: Pika drite në eklips
Origjinali: Pika drite në eklips
Gjinia: Novela
Autori: Zija Çela
Shtëpia botuese: Toena
Viti: 2012
Fq. 468
Pesha: 0.473 kg.
ISBN: 978-99943-1-842-1

Koment nga autori

Me të hyrë në pjacën e qytetit, sikur ndjemë diçka magnetike. Çuditërisht, disa nisën të na përshëndesnin: "Mirëmbrama! Urime!". Për këtë fjalën e dytë, këtë enigmën turbulluese, mua dhe time shoqeje po na bënin veshët apo çfarë? Aq më tepër që sapo ishim kthyer nga Hasi, ku ishim emëruar.

U bindëm se nuk na bënin veshët, mirëpo s'po bindeshim që nuk ishte ndonjë keqkuptim. Tekefundit, përse më uronin? Më shihnin me një grua përkrahu dhe vetëm tashti, mbas dy vjetësh, po e merrnin vesh se ai letrari i ri (termi tipik i kohës), që kishte bërë një proçkë në Tiranë dhe për këtë e kishin dëbuar dyfish, nga kryeqyteti dhe nga vendlindja, na qenkësh martuar?!...

Po kalonim Kafen e Madhe, kur shohim përballë një shokun e fakultetit, që s'priti të takoheshim, por na e uroi në distancë. "E përse?", e pyeta me ngërçin që na kishte ngecur në grykë. "Si përse?! Për tregimet, pra", tha i çuditur ai.

Çfarë kishte ndodhur? Shtëpia botuese ishte përgjigjur me kohë pozitivisht. Mirëpo në shtëpi, pasi e kishin hapur zarfin, njëri nga vëllezërit i kishte thënë nënës pa lexuar asgjë: "Më duket se Zijai ka dashtë me botue ndonjë libër, por ia kanë kthye. Fshihe në arkën tande dhe mos i kallëzoni atij, se boll e ka që asht atje larg".

I sigurt se tashmë e kisha marrë përgjigjen, redaktori kishte krijuar përshtypjen se, përderisa nuk po ndihej pas atyre vlerësimeve, autori duhej të ishte ose ndonjë kokërr mendjemadhi, ose ndonjë mizantrop që kishte hequr dorë befasisht nga libri i parë. Pastaj mësoi se autori nuk jetonte në Shkodër, por diku në Dibër, në Kukës a Tropojë.

Për të tërhequr vëmendjen, kishte botuar tregime të miat në "Drita", me shpresën se do t'u dilja për zot. Por as në Helshan, as në Krumë nuk e shihnim kund këtë gazetë. Çfarë pamë me sytë tanë, me t'u kthyer nga pjaca, ishte zarfi që nëna e nxori nga arka. E kështu, si ta them, isha bërë apo isha njohur si shkrimtar, pa ditur gjë vetë...

Fragmente nga libri

"A është e mundur që nga tërë ajo mrekulli planetësh e satelitësh, e cila u regjistrua nga astrologët si një ngjarje e rrallë për botën, unë do të mbaj mend përgjithmonë vetëm këtë puthje njerëzore?!

E ku ta dish, ndoshta edhe vetë njeriu është sa një planet dhe, si çdo planet, ka universin e tij. Në universin e atyre dy njerëzve dashuria ishte si një eklips i përjetshëm, që ua mbulonte dhembjet e fatit."

Eklips

"U pre uji në Kthjellë dhe Gjon Bardhi, biri i një fshatari, u nis për të vrarë kuçedrën. Ai shkoi dhe bashkëfshatarët e pritën gjatë. Kot pritën, se Gjon Bardhi nuk u kthye. Mirëpo uji erdhi në fshat. Atëherë njerëzit thanë se kuçedra ishte mundur. Kaluan vite dhe një ditë uji u ndal prapë.

Fshati dërgoi njerëz në mal të shihnin për ujin. Kur u afruan te shpella, dëgjuan ulërima. Ata filluan t'i luteshin kuçedrës, por kuçedra i priti me flakadan, duke nxjerrë nga goja zjarr të madh. Pastaj nuk vonoi, doli në grykë të shpellës. Kur e panë, fshatarët u mahnitën. Gjon Bardhi, që e kishte vrarë dikur kuçedrën, në vend të saj ishte bërë vetë kuçedër..."

Qyrku

"Ke dëgjuar ndonjëherë për ata derrat që përdoreshin dikur në luftë? Në fushat e minuara, më parë se të kalonte këmbësoria, lëshonin derrat. Kafshët e mjera vërshonin përpara me vrap, shkelnin nëpër mina dhe i bënin të pëlcisnin. Ato vërtet i çminon fushat, por hidheshin vetë në erë.

Nganjëherë, një derri të tillë i ngjan edhe ai që, i joshur nga e reja, kuturis të shkelë i pari mbi minat e kërkimit dhe vë veten në rrezik për t'i hapur udhë një turme parazitësh... Hahaaa!"

Ylli i plakave

Komente mbi autorin

"Zija Çela është ndër të paktët, për shumëçfarë i vetmi, që kalimin nga diktatura në demokraci e bëri të qetë: një fije vazhdimësie konstante, e brendshme, e karakterizon prozën e tij që nga hapat e parë, deri në ditët e sotme. Është zjarri i pashuar që si tundim, si shqetësim dhe brengë, s'pushon së qeni i ndezur.

Drita e tij digjet përbrenda personazheve, duke lëshuar diskretshëm shkëndijime edhe gjatë diktaturës, pastaj duke e pushtuar sovranshëm hapësirën demokratike shqiptare. Por pa e kursyer as këtë të fundit, përkundrazi, zhgënjimi dhe protesta shpesh do të buçasin fuqishëm.

Në tërësinë e krijimtarisë së Zija Çelës, sado e largët, megjithatë ndihet prania e një labirinti të ndërlikuar, nganjëherë pa dalje të qartë. Për rrjedhim, autori e vuan si shqetësim të përhershëm ndjenjën që, edhe pos flijimit të zemrës, nuk arrin ta bëjë më dinjitoze botën përreth."

Ali Aliu

"Zija Çela as në kohët më të liga nuk ishte rob i konventave dhe kufizimeve. Arsyeja është e thjeshtë: Zija Çela ishte rritur më shumë dhe ishte më mendjehapur se ç'mund të lejonin kufizimet dhe ndasitë në hapësirën tonë letrare."

Mehmet Kraja

Detajet e librit

Referencat specifike

isbn
9789994318421
ean13
9789994318421
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU000122

Botuesi: Ideart

Gjaku im i erret, Zija Cela

Proza e shkurtër është thelb e tharm. Edhe në letërsinë botërore ka romane mjaft të njohura që, siç është pranuar tashmë, të kujtojnë ato karrocat e mbyllura, të cilat transportojnë një diamant të ambalazhuar: tregimin.

Çmimi 3,20 
More
Ka mbaruar

Referenca: SKU000151

Botuesi: Ideart

Las Varrezas, Zija Cela

Historitë që tregon Zija Çela të befasojnë për nga gjetja e realizimi artistik, si dhe të vënë në mendime. Ai duket se kërkon një lloj të ri lexuesi, deviza e Andre Zhidit "Unë shqetësoj" i përshtatet më së miri prozës së tij.

Çmimi 6,66 
More
Ka mbaruar

Referenca: SKU001362

Botuesi: Toena

Goja e botës, Zija Cela

Ky roman i Zija Celës është vepra e fundit i atij triptikut, që filloi me "Las Varrezas" dhe vazhdoi me "SOS, një buzëqeshje". Një lexues i vëmendshëm do ta ndjente ekzistencën e tij që në leximin e dy të parëve, po ashtu siç e ndien një astrolog mungesën e një ylli të pazbuluar ende, thjesht nga tërheqja e forcës së gravitacionit përreth yjeve tashmë të...

Çmimi 9,99 
More
Ne gjendje

Botuesi: Toena

Apokalipsi sipas Shën Tiranës, Zija Çela

Plotmëria, ngjarjet, intensiteti emocional, karakteret, çdo gjë është në ngjitje në "Apokalipsin sipas Shën Tiranës", aq sa paralajmërojnë një shpërthim, i cili edhe vjen. Mirëpo Zija Çela ndjek në finale një ecje të kundërt me traditën letrare, nuk është autori që na çon te vepra, është vepra që na çon tek autori.

Çmimi 9,99 
More
Në gjendje
16 libra të tjera në këtë kategori:

Botuesi: Onufri

Rrëfej unë, gruaja, Mimoza Kuchly

Kur lexon librin me tregime «Rrëfej une, gruaja» zhytesh në një gjelbërim thellësish marramendëse, në misteret e hapësirave metafizike të paeksploruara të vetënjohjes, të flirtit me veten që zgjon sensualitetin, të preludit të gjëndjes shpirtërore në prag-dashurinë e papritur, apo të vetë dashurisë si emocioni më sublim e më kompleks i qënies njerëzore.

Çmimi 5,55 
More
Në gjendje

Botuesi: Pegi

Tregime të rinisë, Alion Çaçi

Ngjarjet e rrëfyera në vëllimin “Tregime të rinisë” nuk janë të vërteta, por edhe mund të ndodhin. Ndonëse të shkëputura dhe të lexueshme jashtë radhe, ato kanë një lidhje mes tyre: personazhin Majk (Majkëll, Mikel), i cili shfaqet herë si protagonist, herë si antagonist e herë si kalimtar i rastit.

Çmimi 5,55 
More
Në gjendje

Referenca: SKU001471

Botuesi: Te tjere

Mirëseveni në shtëpinë e marrëzirave, Luan Laze

Kur fantazia e një shkrimtari, tretet me satirën dhe humorin, lexuesi ka ç'të mësojë dhe argëtohet. Dhjetë novelat dhe tregimet e këtij libri, ju dërgojnë në ambjente krejt origjinale, situta të papërsëritshme e me dialogë interesantë. Personazhe që mendojnë si ju dhe zgjidhin dilemat siç do dëshironit. Të vërteta apo fantazi?

Çmimi 4,44 
More
Artikujt e fundit në gjendje

Botuesi: Bota Shqiptare

Universi së prapthi, Moikom Zeqo

Rrëfimet në prozë të Moikom Zeqos janë një kopsht i madh erudicioni, kulturash dhe qytetërimesh. Të gjitha vihen në një fill të përbashkët, edhe kur kjo duket e paimagjinueshme. E bën këtë me lëhtësinë e një magjistari, që kërcen dhe lëviz nëpër shekuj e hapësirë si në kopshtin e vet.

Çmimi 11,10 
More
Ka mbaruar

Botuesi: UET Press

Lejlekët nuk vijnë, Pëllumb Kulla

Heroi i veprës, - hero në terminologjinë e librave artistikë, ëh- jam unë vetë, me vëzhgimet e mia dhe me respektin tim më madhor ndaj dhëmbëve diktatoriale që nuk shfaqnin asnjë shënjë mëshire, lëshimi a thyerje. Këto faqe, janë fryt i qëmtimit të paradokseve dhe karaktereve në hapësirat e një regjimi fanatik, ku mundohem t’i trajtoj po më të njëjtin...

Çmimi 13,32 
More
Në gjendje

Referenca: 2345

Botuesi: Dija-Poradeci

Perla, proze e zgjedhur, Ardian – Christian Kycyku

Ardian – Christian Kyçyku (pseudonimi letrar i Ardian Kyçykut) ka lindur në Pogradec më 23 gusht 1969. Kreu studimet e larta në Universitetin Shtetëror të Tiranës, në Fakultetin Histori – Filologji, dega Gjuhë – Letërsi. Është doktor i shkencave filologjike, doktorant në teologji pranë Universitetit Shtetëror të Bukureshtit d

Çmimi 5,55 
More
Ka mbaruar

Referenca: SKU000750

Botuesi: Onufri

Zhurma e erërave të dikurshme, Dritëro Agolli

Pas këtyre vërejtjeve, një ndër pjesëmarrësit, që nuk më kujtohet se cili ishte, tha se libri duhej ndaluar, një tjetër shtoi se duheshin hequr disa tregime dhe të botohej me një kopertinë tjetër jo aq të zymtë. I treti propozoi të botohej siç ishte dhe pastaj të kritikohej, duke u përcjellë me disa artikuj.

Çmimi 22,20 
More
Ne gjendje

Botuesi: Albas

Kësulëkuqja, përrallë për të rritur, Ag Apolloni

Ky roman flet për një Kësulëkuqe koketuese dhe një Ujk të sëmurë. është një histori e dashurisë dhe një shëtitje nëpër pyllin magjik të tregimtarisë, ku personazhet futen shtigjeve të mitologjisë, përrallës, religjionit dhe animacionit. Ulërimat dhe psherëtimat, lehjet dhe blegërimat vijnë si një përballje alegorike që zgjon jehun e egërsisë brenda nesh.

Çmimi 8,33 
More
Në gjendje

Botuesi: Toena

Kohë astrale, Dritan Sulçebe

Shtatë njerëz të gjendur rastësisht në qilarin e një lokali nate duke pritur fundin. Shpresat, ëndrrat dhe iluzionet e tyre shpalosin një botë të tërë distopike, nëpër të cilën veprojnë një çetë profetësh të etur për të krijuar një botë të re, por edhe revolucionarë romantikë të frymëzuar nga e kaluara, duke u rrekur të hapin një shteg drejt një shoqërie...

Çmimi 14,43 
More
Në gjendje
Përshtypjet (0)