Arlekini, Bernard Cornwell

Titulli: Në kërkim të Gralit, Arlekini, vëllimi i parë
Origjinali: Harlequin
Gjinia: Roman
Autori: Bernard Cornwell
Shqipëroi: Riza Ibrahimi
Shtëpia botuese: Ombra GVG
Viti: 2007
Fq. 522
Pesha: 0.528 kg.
ISBN: 978-99943-447-9-6

Mbi librin

Ishte koha kur anglezët kapërcyen La Manshin për të luftuar kundër francezëve. Ushtria udhëhiqej nga mbreti, lordët e mëdhenj dhe kalorësit, por do të ishin harkëtarët, njerëzit e thjeshtë, arma sekrete e Anglisë.

Tomasi i Huktonit është një prej këtyre harkëtarëve. Por ai është gjithashtu dhe bartësi i një misioni – të cilin, i rrëmbyer nga kënaqësia e luftimit, shpesh e harronte – të hakmerrej për vrasjen e të atit nga një bandit francez dhe të gjente e të merrte sërish thesarin e familjes së tij.

Por udha do të ishte shumë më e ndërlikuar dhe e pabesë sesa kishte menduar ai, dhe armiku që e priste do të shfrytëzonte fuqinë e reliktit më të madh të botës së krishterë, të vetë Graalit. Libri i parë i serisë "Në kërkim të Graalit" mbyllet me betejën e famshme të Kresisë, që shënon fillimin e asaj çka më vonë do të njihet si periudha e Luftës Njëqindvjeçare.

Në këtë libër vetëm dy ngjarje janë thjesht fryt i fantazisë: sulmi i fillimit në Hukton (edhe pse francezët kanë bërë në të vërtetë shumë zbarkime të këtij lloji në brigjet angleze) dhe luftimi midis kalorësve të zotit Sajmën Xheklli dhe njerëzve të armatosur në shërbim të Zhofruasë së Pont Blankut jashtë mureve të Larosh – Derrienit.

Përveç këtyre, të gjitha rrethimet, betejat dhe luftimet janë marrë nga historia, siç është vdekja e Zhofruasë në Lanion. Larosh – Derrieni është pushtuar më tepër duke kapërcyer muret sesa me një sulm nëpërmjet bregut të lumit, por kam dashur t'i jap Tomasit një rast për të bërë diçka, në mënyrë që të isha i lirshëm në aksionet e kontit të Northemptonit.

Konti i ka realizuar të gjitha ato bëmat që i janë atribuar në libër: pushtimi i Larosh – Derrienit, kapërcimi me sukses i lumit Som në vaun e Blankshetakut dhe trimëritë në betejën e Kresisë.

Pushtimi dhe plaçkitja e qytetit të Kaenit janë zhvilluar saktësisht siç janë përshkruar në roman, ashtu si dhe beteja e famshme e Kresisë. Shkurt, ajo ka qenë një periudhë e tmerrshme e historisë, që tani konsiderohet si fillimi i ashtuquajturës Lufta Njëqindvjeçare.

Komente mbi librin

"Tabllo e një konflikti të përgjakshëm në mes të një trazire politike dhe fetare, përshkruar plot ngjyra nga një shkrimtar i shkëlqyer si Bernard Cornwell."

The Economist

"Një roman historik me të vërtetë i mrekullueshëm."

Evening Standard