Vëllazëria e Pëlhurës së Shenjtë, Julia Navarro

Titulli: Vëllazëria e Pëlhurës së Shenjtë
Origjinali: La Hermandad de la Sábana Santa
Gjinia: Roman
Autori: Julia Navarro
Shqipëroi: Aida Baro
Shtëpia botuese: Dituria
Viti: 2013
Fq. 480
Pesha: 0.603 kg
ISBN: 978-9928-103-70-3

Mbi librin

Torino, 1991. Pasi shuhen flakët që shpërthyen në katedrale, gjendet trupi i djegur i një njeriu pa gjuhë. Një detaj që shqetëson kapitenin Marko Valoni, i cili dyshon se shkak i zjarrit nuk ishte një qark i shkurtër. I ndihmuar nga historiania simpatike e artit, dr. Galoni, dhe nga një gazetare spanjolle, bie në gjurmët e një elite njerëzish të arsimuar, të rafinuar, por mbi të gjitha me shumë pushtet, të cilët duket se ushqejnë interes të veçantë për Pëlhurën me imazhin e Krishtit.

Valoni fillon të gjurmojë të gjitha historitë e Pëlhurës së Shenjtë, mes komploteve dhe mrekullive, herezive dhe kryqëzatave, apostujve dhe Tempullarëve, ndërsa e kaluara dhe e tashmja vijnë së bashku në një triller të mprehtë dhe emocionues, në një histori që duket se ka shumë mistere për t'u zbuluar.

Me historinë dhe imagjinatën si elemente të para, Julia Navarro ka krijuar një roman që e lë lexuesin pa frymë, që hap portën drejt një udhëtimi tërheqës përmes së kaluarën, të tashmen dhe, pa dyshim, përmes së kaluarës dhe të tashmes njëkohësisht. Një rrëfim i jashtëzakonshëm që të befason nga faqja në faqe, një roman i shkëlqyer që s'ka të dytë në llojin e vet.

Komente mbi librin

"Niveli i jashtëzakonshëm i karakterizimit dhe pasioni i autores për subjektin e bëjnë këtë një vepër të spikatur."

Kirkus

"Vëllazëria sillet rreth Pëlhurës së Shenjtë ashtu sikurse Kodi i Da Vinçit sillet rreth Grealit të Shenjtë. Një ndër librat artistikë më të rekomanduar dhe më të njohur."

Library Journal

Mbi autoren

Julia Navarro (Madrid, 1953), gazetare e mirënjohur në Spanjë, autore e shumë librave për historinë bashkëkohore. Romani i parë, "Vëllazëria e Pëlhurës së Shenjtë", shënoi sukses të rrallë në Spanjë e jashtë saj (40 botime në spanjisht dhe i përkthyer në 16 gjuhë). Me veprat "Më thuaj kush jam", "Bibla prej argjile" dhe "Gjaku i të pafajshmëve" fitoi përfundimisht zemrat e lexuesve dhe të kritikës.

Këto romane, të vlerësuara me çmime të rëndësishme letrare, janë botuar në më tepër se tridhjetë vende: Itali, Gjermani, SHBA, Britani e Madhe, Rusi, Japoni, Portugali etj. dhe kanë arritur dhjetëra miliona kopje të shitura.

Me shumë entuziazëm është pritur së fundi në Spanjë edhe libri i ri "Qëllo, tashmë jam i vdekur!", një roman i jashtëzakonshëm me personazhe të njohura, jeta e të cilave plekset me momente kyç të historisë, duke filluar nga fundi i shek. XIX deri në mesin e shek. XX e që përpiqen t'ia nisin nga e para në qytete emblematike si Shën Petërburgu, Parisi e Jeruzalemi.