Titulli: Trashëgimia e Stonhenxhit
Origjinali: The Stonehenge Legacy
Gjinia: Roman, thriller
Autori: Sem Krister
Shqipëroi: Lira Sejdini
Shtëpia botuese: Pegi
Viti: 2011
Fq. 460
Pesha: 0.563 kg.
ISBN: 978-9928-124-19-7
Mbi librin
Tetë ditë përpara solsticit të verës, një njeri masakrohet në një ritual sakrifikues gjakngrirës, në vendin e lashtë të Stonhenxhit, përpara një grupi adhuruesish.Brenda pak orësh, një nga zbuluesit e thesareve më të njohura në botë vret veten. Ai lë një letër shumë të mistershme për djalin e tij, arkeologun e ri Gideon Çeiz...
Bashkë me Megan Bejkërin, një detektive e guximshme, Gideoni do të zbulojë një shoqëri sekrete, një Lidhje Ndërkombëtare, e përkushtuar e tëra ndaj Stonhenxhit. Mjeshtri i ri dhe karizmatik i kësaj Lidhjeje, së bashku me Apostujt e të Shenjtëve, kanë vendosur të kryejnë sakrifica njerëzore, për t'ua blatuar Të Shenjtëve, me qëllim që të depërtojnë në sekretet mijëravjeçare të gurëve. E zgjedhura e tyre e fundit do të jetë Kejtlin Lok, që krejt rastësisht është e bija e zëvendëspresidentit të SHBA - së.
Kjo i ndërlikon gjërat për anëtarët e Lidhjes. A do të mundet Gideoni ta shpëtojë atë nga kthetrat e tyre, apo Kejtlini do të jetë viktima e radhës? Plot me kode të fshehta, simbole, tension dhe detaje tërheqëse për historinë e njërit prej monumenteve më të mistershme të botës, "Trashëgimia e Stonhenxhit" është një sukses ndërkombëtar, që mund të rivalizojë edhe Dan Braunin më të mirë.
Stonhenxhi është një monument parahistorik, që gjendet në krahinën angleze të Uiltshajërit. Si një strukturë e stërmadhe, e përbërë nga gurë të vendosur në formë rrethore, Stonhenxhi është një nga monumentet më të famshme në botë. Ai ndodhet në qendër të një kompleksi monumentesh të epokës neolitike dhe epokës së bronzit, përfshirë këtu edhe disa qendra varrezash të hershme. Arkeologët mendojnë që ky monument ikonë është ngritur rreth 2500 vjet para erës sonë. Në vitin 1986, monumenti dhe vendndodhja e tij u futën në Listën e Trashëgimisë Kulturore Botërore të UNESKO - s.
