Teori të marrëdhënieve ndërkombëtare, Tim Dunne, Milja Kurki, Steve Smith

Titulli: Teori të marrëdhënieve ndërkombëtare, disiplina dhe shumëllojshmëria
Origjinali: International relations theories, discipline and diversity
Gjinia: Marrëdhënie ndërkombëtare
Autori: Tim Dunne, Milja Kurki, Steve Smith
Shqipëroi: Arjan Starova, Enri Hide
Shtëpia botuese: UET Press
Viti: 2010
Fq. 436
Pesha: 0.648 kg
ISBN: 978-99956-39-32-7

Koment nga autorët

Në përmbajtje të këtij libri ka një numër tematikash mbi teorinë dhe natyrën e disiplinës së Marrëdhënieve Ndërkombëtare. Kur përdorim këtë term, ne ndjekim traditën e rëndësishme që bën dallimin ndërmjet emërtimit Marrëdhënie Ndërkombëtare, me shkronja të mëdha, që tregon studimin akademik të Marrëdhënieve Ndërkombëtare, dhe emërtimit marrëdhënie ndërkombëtare, me shkronja të vogla, që tregon përmbledhtazi objektin e hulumtimeve të kësaj dege të shkencës (aktorët, interesat, institucionet dhe identitetet në rrafsh botëror).

Ky dallim na jep mundësinë të shqyrtojmë sociologjinë e dijes mbi Marrëdhëniet Ndërkombëtare si disiplinë: si dhe kur ajo u bë një lëndë e veçantë, llojin e çështjeve të studiuara, vendet ku studiohet kjo displinë dhe llojet e kërkimeve që mbështeten financiarisht. Nëse nuk do ta bënim këtë dallim, do të hamendësonim se ekziston një interpretim i drejtpërdrejtë prej disiplinës deri te ndërveprimet që përbëjnë botën reale të marrëdhënieve ndërkombëtare.