Politika ndërmjet kombeve, Hans J. Morgenthau

Titulli: Politika ndërmjet kombeve, Lufta për pushtet dhe paqe
Origjinali: Politics among nations, the struggle for power and peace
Gjinia: Shkenca politike
Autori: Hans J. Morgenthau
Shqipëroi: Tonin Beci
Shtëpia botuese: Tirana Times
Viti: 2008
Fq. 444
Pesha: 0.857 kg
ISBN: 978-99943-74-29-8

Mbi autorin

Hans J. Morgenthau lindi në Gjermani në vitin 1904. I diplomuar në Universitetet e Berlinit, Frankfurtit dhe Mynihut, ai dha mësim dhe ushtroi jurisprudencë në Frankfurt, ku ishte Kryetar i Gjykatës së Punës.

Një vit para se Hitleri të vinte në pushtet, profesor Morgenthau shkoi të jepte mësim në Universitetin e Gjenevës; ai dhe mësim edhe në Madrid, para se të shkonte në Shtetet e Bashkuara më 1937, ku dha mësim në Kolegjin Bruklin dhe në universitetin e qytetit Kansas, para se të caktohej në vitin 1943 në Universitetin e Çikagos.

Ai ishte gjithashtu profesor universiteti i shkencave sociale në New School për Studime Sociale, profesor i shquar Albert A. Mikelson i shkencave politike dhe historisë moderne në Universitetin e Çikagos dhe profesor i shquar Leonard Davis i shkencave politike në City College të Universitetit të Nju Jorkut.

Ai ishte gjithashtu profesor i jashtëm në universitetet e Kolumbias, Harvardit, Northuesternit, Jales dhe në universitetin e Kalifornisë. Profesor Morgenthau shërbeu si konsulent i Departamentit të Shtetit dhe Mbrojtjes dhe ishte Drejtor i Qendrës për Studimin e Politikës së Jashtme Amerikane në Universitetin e Çikagos, anëtar i Institutit për Studime të Avancuara në Prinston, Bashkëpunëtor i Qendrës së Washingtonit për Studime në Politikën e Jashtme dhe një nga kërkuesit më të rëndësishëm shkencor në Këshillin për Marrëdhënie me Jashtë.

Ndër botimet e tij të shumta janë: "In defense of the National Interest" (1952), "The purpose of American Politics" (1960), "Politics in the Twentieth Century" (1962), "A New Foreign Policy for the United States" (1969) dhe "Science: Servant or Master" (1972). Profesor Morgenthau vdiq në Nju Jork më 19 qershor 1980.