Komentar per masat e sigurimit, Gentian Trenova

Titulli: Komentar për masat e sigurimit
Origjinali: Komentar për masat e sigurimit
Gjinia: Drejtësi
Autori: Gentian Trenova
Shtëpia botuese: Dita 2000
Viti: 2010
Fq. 256
Pesha: 0.273 kg
ISBN: 978-99956-92-1-31

Mbi librin

Në këtë libër, lexuesi do të gjejë komente në lidhje me aspekte të ndryshme të dispozitave të procedurës penale që kanë të bëjnë me masat e sigurimit. Këto komente janë të ndërthurura edhe me interpretimet që janë bërë në vite të ndryshme dispozitave të Kodit të Procedurës Penale, nga ana e Gjykatës Kushtetuese dhe Kolegjit Penal të Gjykatës së Lartë.

Ne këtë libër do të gjeni trajtime juridike në lidhje me:
• Kushtet për caktimin e masave të sigurimit personal;
• Dyshimi i arsyeshëm; Rreziku i ikjes;
• Kriteret për caktimin e masave të sigurimit personal;
• Kriteret e veçanta për caktimin e masës së arrestit në burg;
• Zëvendësimi ose bashkimi i masave të sigurimit personal;
• Llojet e masave shtrënguese;
• Kërkesën për caktimin e masës së sigurimit;
• Zbatimi i masave të sigurimit;
• Ankimi kundër masave të sigurimit;
• Llogaritja e afateve të kohëzgjatjes së masave;
• Arrestimi në flagrancë;
• Gjendja e flagrancës;
• Ndalimi i të dyshuarit për një krim;
• Revokimi dhe zëvendësimi i masave të sigurimit;
• Shuarja e masave të sigurimit;
• Pasojat e shuarjes së masave të sigurimit;
• Afatet e kohëzgjatjes së paraburgimit;
• Pezullimi i afateve të paraburgimit;
• Masat e sigurimit të vendosura nga gjykata jokompetente.

Ky libër i shërben gjyqtarëve, prokurorëve, avokatëve, oficerëve të policisë gjyqësore për punën e tyre të përditshme pasi në këtë mënyrë ata do të orientohen më shpejt në lidhje me qëndrimet që mban apo që duhet të mbaje Gjykata në raste të caktuara.

Ky libër i shërben edhe studenteve e pedagogeve për të thelluar njohuritë e tyre, për të gjetur dhe trajtuar kazuse të cilat kanë ndodhur dhe jo të supozuara. Në këtë libër edhe studiues pasuniversitar, lektor, mund të ndihmohen gjatë bërjes së temave të tyre për të nxjerre shembuj konkrete dhe për të mbajtur qëndrimet e tyre kritik apo doktrinal krahasues me praktikat e gjykatave të huaja.

Mbi autorin

Gentian Trenova lindi në Tiranë në tetor 1979. Shkollën e mesme e ka ndjekur në gjimnazin "Sami Frashëri" në Tiranë në vitet 1994-1998. 1998-2002 kreu arsimin e lartë në Fakultetin e Drejtësisë në Tiranë. Në tetor të 2005 është emëruar prokuror në Prokurorinë e Krimeve të Rënda në Tiranë.