Skrapari, visore dhe visare, Zylyftar Plaku

Titulli: Skrapari, visore dhe visare
Origjinali: Skrapari, visore dhe visare
Gjinia: Studim etno – kulturor
Autori: Zylyftar Plaku
Shtëpia botuese: Jonalda
Viti: 2012
Fq. 152
Pesha: 0.191 kg

Koment nga autori

Në këtë libër paraqes krahinën e Skraparit dhe njerëzit e tij, natyrën, historinë, traditat, zakonet, karakterin, tiparet dhe temperamentin e këtij populli të formuar në këtë realitet. Qëllimi është tepër njerëzor dhe i thjeshtë: Të njihet krahina e Skraparit dhe njerëzit e saj, gjithashtu nëpërmjet kësaj njohjeje historiko – kulturore të vërehen edhe ndryshimet apo të synohen këto ndryshime në sensin pozitiv të zhvillimit të shoqërisë.

Shpeshherë, fjalën traditë e kuptojmë si ruajtje të çdo gjëje të shkuar, të vjetër, që duhet respektuar, por që merret shabllon e që duket sikur nuk ndryshon. Në fakt, tradita është, në mënyrë figurative, një magazinë që jo vetëm ruan, por edhe që shton, përherë e vazhdimisht, përvoja që lindin, ku të tjerëve që vijnë pas, ato u duhen dhe u shkojnë me kohën.

Në shenjë respekti për të gjithë banorët e Skraparit, të cilët kudo që janë vendosur me banim, jo vetëm nuk e harrojnë vendlindjen dhe krenohen me të, por edukojnë pasardhësit e tyre, që lindin e jetojnë në qytete të mëdha shqiptare dhe europiane me krenari.