Triologjia e Shkodrës, Gazmend Krasniqi

Titulli: Triologjia e Shkodrës

Origjinali: Triologjia e Shkodrës

Gjinia: Roman

Autori: Gazmend Krasniqi

Shtëpia botuese: Fenix

Viti: 2021

Fq. 288

Pesha: 0.450 kg

ISBN: 978-9928-330-58-1

Ky libër është në gjuhën shqipe

Mbi librin

Në romanët e G. Krasniqit bashkohet ligjërimi letrar me arsyetime teorike mbi modernen, postmodernizmin, ndërfuten pjesë të ligjërimit filozofik-budist, përzihet rrëfimi i zakonshëm me rrëfim të imagjinuar, me rindërtim të një dialogu, vijnë copëza rrëfimesh apo në këmbim rrëfimtarësh, sikur të jenë dy deklamues që zëvendësojnë njëri-tjetrin, pohohet papritur që kjo vepër nuk është roman. Po çfarë është? Stilet vazhdojnë... Dhe thyerja e vërtetë vjen në fund... ku tashmë rrëfimi ka ndryshuar plotësisht specifikën e vet në një komunikim/ “raportim” te lexuesi për botimin e këtij libri, që e quan “roman”, duke ndryshuar rrëfimtarin e etj.

Ç’është ky roman shqiptar postmodernist? A ka lidhje me tipologjinë romanore, apo është larguar dhunshëm nga forma e tij? A duhen parë këto “shmangie” si pasurim që kjo strukturë e thyer e narracionit postmodernist i sjell romanit tonë?

Proçesi i transformimit të gjinive e çon patjetër vëmendjen tonë në përcaktimin e individualitetit historik të veprës, hetimin e shmangies së tipareve themelore të gjinisë dhe nëse ajo arrin të krijojë një identitet te ri. Vetë zhvillimi i letërsisë botërore ka dëshmuar se sa kanonike dhe e ngurtësuar ishte pikëpamja klasike dhe neoklasike e shek. XVIII-XIX që e shihte çdo lloj letrar “të pastër”, që duhet të respektonte rregulla për subjektin, strukturën, stilin etj.