Pëllumbat i vrasin natën, Virion Graçi

Titulli: Pëllumbat i vrasin natën
Gjinia: Roman
Autori: Virion Graçi
Shtëpia botuese: Onufri
Viti: 2018
Fq. 280
Pesha: 0.404 kg.
ISBN: 978-9928-261-41-0

Mbi librin

Me një ironi sarkastike në këtë roman tregohet fati i ndryshëm i dy vëllezërve dhe i nënës së tyre që ka humbur kujtesën. Me neutralitet gati gazetaresk ndaj fakteve, autori tregon si fijet tragjike të fatit njerëzor mund të mpleksen e të ndërvaren prej ngjarjesh kontinentale e ndarjesh botërore gjeo-politike si dhe nga shtysa të brendshme, instinktive e patologjike të njerëzve të rëndomtë tjetërsuar prej pushtetit pa caqe, dehumanizuar deri në barbari.

Fragment nga libri

Nuk kisha menduar se eshtrat e një njëzetvjeçari, eshtrat e një trupi pa jetë hedhur në baltë e rërë, mbuluar me gurë, argjilë dhe zhavor, edhe pas 45 vitesh do të ishin të bardha, do të ishin si të lara me qumësht, do të ishin paqësore si këngë pëllumbash, tronditëse si rënkime fëmijësh të sëmurë rëndë.

Paqen, bardhësinë, urtësinë e trishtë të skeletit të rindërtuar e prishte ajo vrima e zez e plumbit në ballë, e shtëna me pistoletë e prokurorit të RPSSH – së në emër të popullit shqiptar. Ajo vrimë e zezë në kockën e bardhë të ballit ulëriste ende: Përse? Përse? Përse?