Titulli: Gjumi mbi borë (kopertina e trashë)
Origjinali: Gjumi mbi borë
Gjinia: Roman
Autori: Ridvan Dibra
Shtëpia botuese: Onufri
Viti: 2016
Fq. 144
Pesha: 0.331 kg.
ISBN: 978-9928-4354-5-3
Komente mbi librin
"Tekstet e kësaj përzgjedhjeje, intermexo aktive në rrugën krijuese të një autori të konfirmuar, janë të shkurtër, nga një deri në tetë faqe. Të rrjedhshëm dhe të drejtpërdrejtë. Shumëtrajtësh: diku teksti merr formën e një aksiome morale, diku të një parabole të rrasët, tjetërkund të një dialogu absurdizues, e diku tjetër të një rrëfimi të dyfishtë asimetrik, procedim me të cilin Ridvan Dibra na ka befasuar paradokohësh me librin "Sesilja sexonic".
Si fill organizues për tërësinë e vëllimit shërben parimi i lexueshmërisë, ngushtësisht i lidhur me dëshirën e autorit për të qenë i kuptueshëm dhe i kuptuar. Në këtë pikë, jemi dakord: në letërsinë e sotme, postmodernizmi po shfaq shenja urtësimi; simethënë, po standardizohet, po priret kah format funksionuese, në të mirë të vet dhe të lexuesit."
Ardian Marashi
"Ridvan Dibra sjell në prozën shqipe, për herë të parë të asimiluar plotësisht, përvojën e prozës moderne të tipit të Kafkës e Kamysë, të pasuruar me elemente të prozës postmoderne si citat e pastishi. Beletrist i lindur, ai është zotërues i rrallë i teknikës së shkrimit postmodern..."
Agim Vinca
"... Ridvan Dibra ka një dorëshkrim dhe mjeshtëri prozatori nga më brilantet në letrat shqipe."
Shkëlzen Maliqi
"Parabolat e Ridvan Dibrës, për nga sintetizimi dhe vrullimi i imagjinatës, të kujtojnë parabolat e Kafkës apo skicat – enigma të Apdajkut. Dhe këtë ngjashmëri e përmendim me kuptimin e mirë që kanë paralelizmat në fushën e letrave, si ngjashmëri tipologjike, lidhur me një dukuri të re në letërsinë tonë."
Bashkim Shehu
"Romanet dhe vëllimet me tregime, novela e parabola i kanë dhënë shkrimtarit Ridvan Dibra një vend të rëndësishëm në këtë zhanër letrar të shqipes... Lexuesi ka kënaqësinë që takon po atë prozator të talentuar, me mundësi të dallueshme epike, por njëherit edhe të ndryshëm, të përtërirë sidomos në rrafsh të idesë dhe teknikës narrative..."
Ali Aliu
Mbi autorin
Ridvan Dibra, lindur në Shkodër më 1959, është autor i mbi njëzet librave në prozë, poezi, eseistikë dhe studime. Pjesë nga krijimtaria e tij janë botuar në gjuhët anglisht, frëngjisht, gjermanisht, italisht, rumanisht etj. është fitues i disa çmimeve kombëtare e ndërkombëtare. Vitin e kaluar, teksti "Në kërkim të fëmijës së humbur" u shpall si libri më i mirë i vitit për prozë të shkurtër.
