Konkubina ruse, Kate Furnivall

Titulli: Konkubina ruse
Origjinali: The Russian Concubine
Gjinia: Roman
Autori: Kate Furnivall
Shqipëroi: Artian Guskiqi
Shtëpia botuese: Bota Shqiptare
Viti: 2016
Fq. 560
Pesha: 0.664 kg.
ISBN: 978-9928-00-192-4

Mbi librin

Xhunçou, Kinë, 1928. Ndoshta janë flokët e saj të kuqërremë, ose ndoshta jeta e saj tejet e vështirë. Çfarëdo qoftë, Lidja Ivanova ka një shpirt të egër. Nuk ka forcë që t'ia shuajë, as ujërat e ndotura të lumit Peiho.

Në llurbëtirën e atij lumi vërtiten trupa hajdutësh dhe komunistësh. Edhe ajo vetë, kohë pas kohe, vjedh diçka. Është vetëm gjashtëmbëdhjetë vjeç dhe shpesh i duhet ta përballojë e vetme jetën.

E ëma, Valentina, i përket elitës së grave ruse, gjersa bie në duart e bolshevikëve. Ata i marrin të shoqin, ndërsa ajo shpëton dhe, bashkë me të bijën, hidhet në Kinë. Tashmë, ato jetojnë në Qendrën Ndërkombëtare të të bardhëve, por Lidja nuk kënaqet me pak.

Ajo lidhet me Çang An Lonë, një djalosh simpatik me sy të zjarrtë. Ata dashurohen, por kërcënimet i ndjekin këmba-këmbës. Trupat e Çan Kai Shisë i drejtohen Xhunçout për të shfarosur komunistët, ku bën pjesë dhe Çangu, i cili zotëron xhevahiret e një mbretëreshe të vdekur ruse, që diktatori kërkon t'ia blatojë të shoqes.

Dashuria e dy të rinjve kalon përmes një morie sprovash të rënda. Por Lidja dhe Çangu nuk duan t'ia dinë...

Komente mbi librin

"E lexova me një frymë! Është jo vetëm një histori dashurie që të rrëmben menjëherë, por edhe një roman plot psherëtima, aroma, shpresa dhe dëshira për Rusinë e fillimshekullit XX dhe të Kinës pararevolucionare, që lexuesi do t'i ndiejë në çdo faqe."

Kate Mosse

"Karaktere njerëzore të gdhendura mjeshtërisht, që luftojnë për mbijetesë në një botë plot rreziqe dhe ndryshime të egra dhe që vënë përballë kultura dhe ideologji të ndryshme, mes të cilave vetëm një dashuri e vërtetë ia del t'u qëndrojë erërave shkatërrimtare të kohës."

Diana Gabaldon