Titulli: Shija e hidhur e tradhtisë
Origjinali: De eetclub
Gjinia: Roman
Autori: Saskia Noort
Shqipëroi: Virgjil Kule
Shtëpia botuese: Dituria
Viti: 2007
Fq. 228
Pesha: 0.277 kg
ISBN: 978-99943-46-19-6
Mbi autoren
Saskia Noort lindi më 1967 dhe është gazetare e lirë. Bashkëpunon me disa revista të njohura. Jeton në një qytet të vogël holandez, bashkë me burrin dhe dy fëmijët. Romani i saj i parë "Kthim në bregdet" u prit me shumë entuziazëm më 2003. Pas një viti u botua romani i dytë "Shija e hidhur e tradhtisë" që e bëri të famshme. Libri i tretë titullohet "Fqinjët e rinj".
Mbi librin
Në një natë të ftohtë dimri një zjarr i papritur turbullon një qendër banimi rezidenciale fare pranë Amsterdamit. Ajo që goditet është shtëpia e Evertit dhe Babetës, një çift i ri me tre fëmijë, dhe për burrin nuk ka shpëtim. Dyshimet e policisë përqendrohen në miqtë e afërt të të vdekurit.
Për këtë rreth familjesh, gratë e të cilave frekuentohen rregullisht, shumë të dhëna pas tryezave të gëzuara dhe dyqaneve, por me burra të pasur, vdekja e Evertit ishte si një teh i mprehtë që shpoi velin që mbulonte jetën e tyre prej reviste të ilustruar, duke këputur në mes nyjën e interesave dhe të bashkëjetesës, por edhe të pasioneve të ngatërruara që i lidhnin.
Kur një tjetër pjesëtar i grupit u gjend i vdekur në një trotuar të kryeqytetit, rënë aksidentalisht nga ballkoni apo i shtyrë me qëllim, situata precipiton me veprime marramendëse. Një bestseller i jashtëzakonshëm në Holandë (mbi 400 000 kopje të shitura) një triller psikologjik kur të gjithë kanë diçka për të fshehur dhe ku asgjë nuk është siç duket.
