Titulli: Jakob Von Gunten: ditar
Origjinali: Jakob Von Gunten: Ein Tagebuch
Autori: Robert Walser
Shqipëroi: Feride Xh. Berisha
Kategoria: Roman
Botues: Pika pa sipërfaqe
Specifikimi: Kapakë të hollë
Viti i botimit: 2025
Pesha: 0.2 kg
Faqe: 136
Përmasat: 14x21 cm
ISBN: 9789928373458
Ky libër është në gjuhën shqipe
Kategoritë: 1. Letërsia botërore 2. Letërsia zvicerane 3. Letërsia gjermane 4. Robert Walser 5. Feride Xh. Berisha
Mbi librin
Jakob Von Gunten: ditar është romani i tretë i Robert Walset-it. Ai u botua më 1909. Personazhi homonim i romanit vjen nga një familje e kamur. Jakobi largohet nga familja dhe vendos t'ia kushtojë jetën shërbimit ndaj të tjerëve. Për të mësuar zanatin e shërbyesit, ai regjistrohet në një institut profesional, të drejtuar nga Banjamentat, vëlla e motër me një marrëdhënie të çuditshme me nxënësit dhe me njëri-tjetrin. Mes rebelimit e nënshtrimit, kërkimit të identitetit dhe vetasgjësimit, Jakobi shënon në ditar këtë përvojë të pazakontë, duke kaluar nga raportimi i ngjarjeve në përsiatje ëndërrimtare. Premisat e rrëfimit duken të thjeshta, por nën sipërfaqe fshihen tensione ekzistenciale të fuqishme e shtresa kuptimore të shumëfishta.
Mbi autorin
Robert Walser (1878-1956), ishte poet dhe shkrimtar zviceran i gjuhës gjermane. Ndonëse u vlerësua që në gjallje nga bashkëkohës si Hesse, Benjamin, Kafka, pati përherë vështirësi të jetonte përmes shkrimit, çka e detyroi rëndom, përgjatë të gjithë jetës, të kryente dhjetëra profesione të keqpaguara, si shërbyes, kopist, nëpunës. Pati jetë të thjeshtë e të vuajtur. Hyri e doli nëpër shumë institucione të shëndetit mendor, e gjatë gjithë jetës vuajti nga halucinacione dhe kriza të rënda nervore. Walser ishte vetmitar dhe dashamirës i shëtitjeve të gjata në këmbë, veprimtari që e praktikoi deri ditën kur u gjet i vdekur, më 1956, në një fushë me borë jo shumë larg spitalit psikiatrik ku jetonte prej vitesh. Trupi i tij, i fotografuar në dëborë, përsëriti një tablo të përshkruar me saktësi të një personazhi në një prej romaneve të tij. Popullariteti i ëalser-it i konsolidua sidomos në tri dekadat e fundit të shekullit të kaluar, kur shkrimtarë si Thomas Bernhard, W.G. Sebald e Peter Handke e vendosën atë ndër shkrimtarët më të rëndësishëm të shekullit XX.
