Kuvend letrash me miqtë, Mustafa Merlika-Kruja, vol. 1

Titulli: Kuvend letrash me miqtë, vëllimi i parë
Origjinali: Kuvend letrash me miqtë, vëllimi i parë
Gjinia: Letërkëmbim
Autori: Mustafa Merlika – Kruja
Shtëpia botuese: Omsca – 1
Viti: 2012
Fq. 484
Pesha: 0.463 kg.
ISBN: 978-9928-132-09-3

Mbi librin

Në këtë vëllim janë paraqitur të gjitha letërkëmbimet e Mustafa Merlika – Krujës me familjen Gjomarkaj dhe Zef Nekajn.

Koment nga Ernest Koliqi

Aty ku Mustafa, mandej, arrin në përsosje letrare âsht stili epistolar. Ata qi patën fatin me pasë letra prej tij duhet t'i ruejnë me kujdes sepse në to âsht derdhun nji visar i paçim i shqipes. Mjerisht kohnat e turbullta, në të cilat nuk pranë të përshkohen Shqipnija dhe Mustafa, shkaktuen humbjen e shumicës së letërkëmbimeve të tija të ndryshme: letrat qi i shkruante Don Lazër Shantojës, për shembull.

Stili epistolar i Mustafës âsht i shkathët e i dendun dhe ndiesit, përshkrimet, përshtypjet, mendimet, gjikimet derdhen në trajta mâ të përkulëshme e të gjalla se në vepra të tjera. Nuk mungon aty – këtu tingulli shpotar.

Gjuha gufon e pastër dhe e pasur. Frazeologjia, e përdorun me zotsi mjeshtërore, i ep shkrimit zhvillimin e nji kuvendi të shtruet e të kandëshëm dhe të çon mallin e bisedës qi bâjshin dikur burrat pranë votrës. Ky stil epistolar, thadrues e i depërtueshëm, besoj se nuk e ka shoqin në letrësi tonë.

Rrethanat e shtrënguen Mustafën të jetojë ma të shumtën përjashta dhe të jesi në lidhje me t'afërm e me dashamirë nëpërmjet letërshkëmbimit. Letërshkëmbimi kështu atij i shërbei, po, si mjet marredhanjesh të nevojshme me lloj lloj njerëzish, por edhe si shfrim njerzuer, në çaste trishtimi e malli, me dashamirë.

Në kohë t'ardhëshme, kur shpirtrat do të zbuten dhe të rijt do të kërkojnë dishmina të kalesës, letrat e Mustafës do të hjedhin dritë skjaruese mbi shum përshkrime e kapërcime historike. Epistolari i tij, ai qi ka teprue, plot undyrë njerëzore në përmbajtje e plot vesk gjuhsuer në trajtë do të jesi si nji gur i çmueshëm i letrësus sonë.

Fund e majë në të dridhet kujdesi për fate t'atdheut dhe shprehet me theksim të paprem nevoja e punës kulturore në dobi të tij.