Antologjia e Spoon River-it, Edgar Lee Masters

Titulli: Antologjia e Spoon River – it
Origjinali: Spoon River anthology
Gjinia: Poezi
Autori: Edgar Lee Masters
Shqipëroi: Çelo Hoxha
Shtëpia botuese: Aleph
Viti: 2018
Fq. 248
Pesha: 0.301 kg.
ISBN: 978-9928-4499-1-7

Mbi librin

Antologjia e Spoon River – it është një nga ata librat e shquar amerikanë e mesa duket sui generis, ashtu siç edhe libri “Pranverë e gjithçka” e W. C. William – it apo “SHBA” e John Dos Passos – it, që u bënë gurë kilometrikë në rrugën e gjatë, të çuditshme të përpjekjes së kombit tonë për të kuptuar vetveten.

Ai më tepër krijon një komunitet ireal nëpërmjet monologjeve të shkurtër dramatikë të shprehur nga banorët e tij që nuk jetojnë më, sesa na jep përshkrime të drejtpërdrejta.

Qyteti është më tepër i ngjashëm me Tilbury Town – in e Edwin Arlington Robinson – it (gati njëlloj me qytetin e tij të lindjes Gardner, në Maine) – dhe sigurisht njëlloj i ngjashëm me Winesburgun, në Ohio të Sherwood Anderson – it – dhe mandej si Gopher Prairie (në Main Street) të Sinclair Lewis – it apo Our Town – in e Thornton Wilder – it (Grover’s Corners në New Hampshire) apo, patjetër, si Jeffersoni i William Faulkner – it në Yoknapatawpha Country.

Autori i këtij libri qe një avokat nga Çikagoja, politikisht progresist, figurë e qarqeve letrare atje, ku përfshiheshin edhe Theodore Dreiser, Vachel Lindsay dhe Carl Sandburg – u, ndër të tjerë, manjak femrash dhe poet pa frymëzim, i cili, në një formë unike, doli befas nga vetja dhe krijoi këtë kryevepër.