Titulli: Kafshët fantastike dhe ku mund të gjenden
Origjinali: Fantastic beast and where to find them
Gjinia: Roman
Autori: J.K. Rowling
Shqipëroi: Mira Kroqi
Shtëpia botuese: Dituria
Viti: 2018
Fq. 304
Pesha: 0.391 kg
ISBN: 978-9928-217-92-9
Mbi librin
J. K. Rowling ju fton të zbuloni një epokë të re të Botës së Magjistarëve... Eksploruesi dhe magjizoologu Njut Skamandër sapo ka mbaruar një udhëtim rreth botës në kërkim të krijesave magjike të pazakonshme.
Mbërrin në Nju Jork, duke menduar se qëndrimi i tij do të jetë një ndalesë e shkurtër. Por, kur valixhja e tij magjike hapet gabimisht, disa nga kafshët fantastike të Njutit arratisen nëpër dhe qytet dhe telashet fillojnë për të gjithë...
Kafshët fantastike dhe ku mund të gjenden- vepër e J. K. Rowlingut, autore e librave Harry Potterit, e dashur dhe e njohur për të gjithë lexuesit në botë, shënon debutimin e saj si skenariste. Nje dhuratë e përsosur përsosur për bibliotekën e çdolloj lexuesi, qoftë fans i hershëm ose i ri në botën magjike!
Jemi në vitin 1926 në qytetin e Nju Jorkut: një kohë dhe një vend ku ngjarjet e pak njerëzve – dhe krijesave – do të përcaktojnë fatin e shumë të tjerëve. Midis tyre dallohen: Njut Skamandëri, i pari (dhe ndoshta i vetmi) magjizoolog, lufta e të cilit për mbrojtjen e krijesave magjike të botës merr një kthesë të rrezikshme kur disa nga kafshët e frikshme për të cilat ai kujdeset, ia mbathin për në qytet; Tina Golldstin, një ish Aurore amerikane, e punësuar në Ministrinë e Magjisë të SHBA, e cila dëshiron me gjithë shpirt të kthehet në këtë detyrë dhe është e sigurt se lëvizja kundër magjistarëve, e quajtur "Trashëgimtarët e Salemit", është strofull e vetë së Keqes; Kuini Golldstin, motra e bukur dhe e paturpshme e Tinës, e aftë të lexojë mendimet; dhe Xhejkob Kovalski, një veteran (dhe JoMagj), i cili një herë për një herë dëshiron të hapë një furrë për të shitur bukë e ëmbëlsira.
Dhe shumë kafshë fantastike të njohura nga librat e Harry Potterit ose të reja, që e popullojnë këtë vepër, duke i dhënë emocion dhe një atmosferë magjike të papërsëritshme.
Fansat e J. K. Rowlingut do të ndeshen në çdo faqe të këtij libri me humorin, forcën e pabesueshme të saj për krijimin e një bote magjike, si dhe ndjeshmërinë dhe mirëkuptimin e thellë ndaj çdokujt (me ose pa shkop magjik).
Emra të tillë si Urtimori dhe Grindelvaldi janë një urë midis kësaj historie dhe Harry Potteryt, dhe lexuesit do të jenë të lumtur të ndeshen me ta në një situatë të re të kësaj bote magjike. Por kjo është një aventurë që jeton jetën e vet dhe që do t'ju lë pa frymë.
