Titulli: Olga prej letre, një udhëtim i jashtëzakonshëm
Origjinali: Olga di carta. Il viaggio straordinario
Gjinia: Roman
Autori: Elisabetta Gnone
Shqipëroi: Albana Nexhipi
Shtëpia botuese: Dituria
Viti: 2017
Fq. 304
Pesha: 0.425 kg.
ISBN: 978-9928-217-51-6
Mbi librin
Olga Papeli është një vajzë hollake si degëz dhe ka një talent të veçantë: di të rrëfejë histori të pabesueshme, të cilat thotë se i ka jetuar vetë dhe ku mund të ndodhë që një baldosë të flasë, një lepur të jetë lundërtar dhe një ari të bëhet rrobaqepës.
Të vërteta? Të sajuara? Tomeoja e mençur, berberja e fshatit, thotë se Olga i krijon historitë e saj rreth fantazmave të fëmijërisë për të mposhtur frikën. Prandaj historitë e Olgës janë aq të suksesshme: sepse ato mposhtin përbindëshat nga të cilët, në të vërtetë, tremben të gjithë, të mëdhenj e të vegjël.
Një ditë prej ditësh, për të ngushëlluar mikun e saj Larvin, që është shumë i brishtë, Olga vendos t'i tregojë historinë e Olgës, vajzës prej letre, që la fshatin në kërkim të magjistares Auzolia, e cila do ta kthente në një fëmijë si gjithë të tjerët, prej mishi e kocka.
Udhëtimi ishte i gjatë dhe plot aventura: Olga takoi një shitës gjurmësh, udhëtoi së bashku me një djalosh që jetonte në një balonë dhe me një tjetër që e kaloi përtej detit, duke vozitur.
Rrezikoi jetën shumë herë, humbi mes një pylli, por trupa e një cirku me artistë interesantë e gjeti. Dhe vetëm më në fund, kur takoi magjistaren, vajza prej letre e kuptoi se sa shumë gjëra ia kishte dalë mbanë të bënte...
Fragment nga libri
Kjo është një ndodhi e vërtetë. Është ndodhia se si në fund, Ariu i stërvitur i zotit Xhubat më preu mespërmes dhe Burreci me sustë më ngjiti me shirit skoçi. Ai mban gjithmonë një rrotull të tillë me vete, sepse hera – herës i qëllon të shqitet nga fundi i kutisë dhe të bjerë jashtë.
Gruaja fluturuese deshi të më jepte një prej leukoplasteve të veta, por unë i thashë se, kur të presin më dysh, nevojitet diçka më e fortë për të të mbajtur bashkë.
