Pavioni i kancerozëve, Aleksander Sollzhenjicin

Titulli: Pavioni i kancerozëve
Origjinali: Rakovij korpus
Gjinia: Roman
Autori: Aleksandër Sollzhenjicin
Shqipëroi: Nikolla Sudar
Shtëpia botuese: Fan Noli
Viti: 2014
Fq. 616
Pesha: 0.749 kg.
ISBN: 97-9928-165-23-7

Fragment nga libri

- Agronom jeni?
- Jo, teknik tokash.
- Mirë, po... pse banoni atje?
Kostogllotovi kroi hundën:
- Klima e atjeshme është e mrekullueshme.
- Po transport a ka?
- Posi jo, makinat venë e vinë rregullisht.
- E ç'dua unë atje?
Ajo e vështroi me bisht të syrit. Në bisedë e sipër, Kostogllotovit fytyra iu bë edhe më e butë, edhe më simpatike.
- Ju, - ai mrroli ballin, si të vriste mendjen se ç'dolli të ngrinte. - Ju s'mund ta dini Zoja se në ç'pike të globit do të jeni e lumtur a fatzezë. E kush mund të thotë se e di këtë gjë për veten e tij?

Nga një sëmundje e pashërueshme vdesin njerëzit dhe rrënohet vendi. Shërimi mund të ndodhë vetëm nga ndonjë mrekulli. Mbase në mos njerëzit, por të paktën vendi, mund të shërohet nga sëmundja vdekjeprurëse e frikës?

Mbi autorin

Aleksandër Sollzhenjicin është shkrimtari më i madh rus i gjysmës së dytë të shekullit të XX – të. Ai është fitues i Çmimit Nobel të Letërsisë. Mjeshtria krijuese e tij të mahnit jo vetëm me forcën e talentit, por edhe me qëndrimin e tij të palëkundur prej qytetari.