Përrallat e Krishtlindjeve, Maria Maneru

Titulli: Përrallat e Krishtlindjeve (kopertinë e trashë)
Origjinali: Feliz Navidad!
Gjinia: Përralla
Autori: María Mañeru
Shqipëroi: Erion Karabolli
Shtëpia botuese: B & B Gjonaj Books/Bota Shqiptare
Viti: 2018
Fq. 92
Pesha: 0.850 kg.
ISBN: 978-9951-642-10-1

Mbi librin

Me mbërritjen e Krishtlindjeve që të gjithë mbushemi me ndjenja të mira: është koha e dashurisë, e bujarisë, e shpresës, dhe padyshim fryma e Krishtlindjeve është motori më i përshtatshëm që fëmijët të mësojnë vlerat universale, në një mënyrë sa më të natyrshme.

Në këtë përmbledhje përrallash, personazhe të tilla si një zebër, e cila dëshiron të shndërrohet në një nga drerët e Babagjyshit apo disa piratë çapkënë, të cilët presin me padurim dhuratat e tyre të Krishtlindjeve, do t’i ndihmojnë vogëlushët që të kuptojnë çka është njëmend e rëndësishme dhe çka nuk është e tillë, po ashtu që bujaria, miqësia, respekti dhe mirënjohja do t’i bëjnë që çdo ditë të vitit ta jetojnë njësoj sikur të ishte kjo kohë kaq e veçantë.

Dhe si përmbyllje, disa aktivitete argëtuese, me qëllim që vogëlushët të kënaqen duke luajtur: një maskë Babagjyshi, zbukurimi i drerit Rudolf, kartolina të ngjyrosshme, të cilat mund të përdoren për urime personale, një engjëllush prej letre që tregon mbërritjen e Krishtlindjeve, një bredh i ndërtuar me fotografi që kujtojnë çastet më të bukura të vitit dhe disa receta të shijshme gatimi për Krishtlindje, me të cilat mund të befasosh familjen dhe miqtë.