Titulli: Sa larg që është Danimarka!
Origjinali: Sa larg që është Danimarka!
Gjinia: Ese
Autori: Daut Gumeni
Shtëpia botuese: UET Press
Viti: 2011
Fq. 116
Pesha: 0.155 kg.
ISBN: 978-99956-39-62-4
Fragment nga libri
Trebeshina shkrimtar i halleve të rënda, tallet tashmë me Trebeshinën komisar të iluzioneve djaloshare dhe e sheh me hidhërim të madh e na e thotë shkoqur të gjithëve: "Oh! Sa larg që ishte Danimarka!".
Dhe kjo thirrje hidhërimi me rrënjë në dhembjen e thellë që buron nga rrënojat e ëndrrave të trëndafilta të një brezi të zhgënjyer nga ato që besoi e të shtypur nga mekanizmat e hekurta të një shoqërie që ndërtoi me duart e veta, na kaplon keq e na mundon gjatë pas leximit të kësaj novele të jashtëzakonshme të Trebeshinës. Na mundon aq rëndë, sa nuk e dimë dot edhe për sa kohë do të themi me vete "Sa larg që është Danimarka!".
Një ritëm marramendës ky i prozës së Trebeshinës. Aq marramendës sa na kap turbullimi i kohës e na shtyp dhembja e personazheve të kësaj historie tronditëse, në një vend e në një kohë ku mençuri quhet dinakëria, trimëri quhet krimi, urtësi quhet egërsia, shtet quhet pushteti, e vërtetë quhet gënjeshtra, nder quhet turpi, besë quhet pabesia, miqësi quhet tradhtia, e mirë quhet e liga, e bukur quhet e shëmtuara, dritë quhet terri, liri quhet robëria dhe ku është aq e gjallë ajo thënia e lashtë: "Unë nuk di t'i kem bërë mirë asnjeriu, që të më sulmojnë kaq shumë!".
