Shtepia e vogel ne Pyllin e Madh, Laura Ingalls Wilder

Titulli: Shtëpia e vogël në Pyllin e Madh
Origjinali: Little House in the Big Woods
Gjinia: Roman
Autori: Laura Ingalls Wilder
Shqipëroi: Viola Robo
Shtëpia botuese: Omsca – 1
Viti: 2018
Fq. 144
Pesha: 0.188 kg.
ISBN: 978-9928-263-00-1

Mbi librin

Bazuar në aventurat e jetës reale të Laura Ingalls Wilder, romani “Shtëpia e vogël në Pyllin e Madh” është libri i parë në serinë e çmuar " Shtëpia e vogël ", që ka magjepsur breza të tërë lexuesish.

Libri na paraqet Laurën e vogël, e cila jeton në një kasolle buzë pyjeve të mëdha të Uiskonsinit, së bashku me babanë, mamanë dhe motrat e saj, Meri e Kerri, si dhe me qenin e tyre të dashur, Xhekun.

Jeta në pyll nuk është e lehtë për familjen Ingalls, pasi fëmijët duhet të rriten duke siguruar me forcat e tyre gjithë ushqimin, dhe të llpërgatiten për t’u përballur me dimrin e ftohtë. Por ata ia dalin më së miri të përballojnë çdo situatë të vështirë që iu del përpara.

Ata bëjnë mbjelljet e pranverës, mbledhin të korrat në vjeshtë, festojnë, si dhe bëjnë udhëtimin e tyre të parë në qytet. Çdo natë, në shtëpinë e tyre të vogël, të sigurt dhe të ngrohtë, tingujt e ngrohtë të violinës së babait vënë në gjumë Laurën dhe motrat e saj.

Romani “Shtëpia e vogël në Pyllin e Madh”, që rrëfen historinë e fëmijërisë së vërtetë të Laurës, është i dashur për lexuesit e të gjitha gjeneratave, dhe ofron një pamje të mrekullueshme të jetës dhe të historisë të paharrueshme të kësaj familjeje të dashur.