Titulli: Bota si vullnet dhe përfaqësim, vëllimi i tretë dhe i katërt
Origjinali: Die Welt als Wille und Vorstellung
Gjinia: Filozofi
Autori: Artur Shopenhauer
Shqipëroi: Dritan Thomollari
Shtëpia botuese: Plejad
Viti: 2016
Fq. 400
Pesha: 0.421 kg.
Mbi librin
Për Tolstojin, Shopenhaueri ishte mendimtari më I madh i botës. Ky pohim, në vetvete bombastik, fiton akoma më shumë spikatje edhe për faktin se Tolstoji e gjykon Niçen, të konsideruar nga shumica si "superuesin" e Shopenhauerit, një ojnatar feuilletoniste. Për këtë të fundit, ky gjykim, edhe pse I njëanshëm dhe i padrejtë, të godet gjithsesi për veçimin dhe analizimin e shijes së diskutueshme francezësuese të Niçes për kokë-përmbysjet dhe paradokset brilante.
Ndërsa përsa i përket Shopenhauerit, gjykimi është më se i ndjerë dhe serioz, që duke nisur se vjen prej Tolstojit, nuk mund të mos shkaktojë një mbresë jashtëzakonshmërie, sidomos nëse mendohet për "më të madhin e botës" në të gjitha kohërat dhe jo për një kohë të veçantë. Ndaj, është një orvajtje goxha e mundimshme shqyrtimi dhe verifikimi i një pohimi të tillë.
Është e vështirë të mendohet se Sokrati, Platoni dhe Aristoteli për të përmendur triadën më të shenjtë të mendimtarve me gjetjet e tyre të mëdha dhe konceptet frymëzuese, me frymëmarrjen e tyre të gjerë dhe gamën e pasur të temave, nuk janë pokaqësoj të mëdhenj, në mos më të mëdhenj se Shopenhaueri.
Po megjithatë me gjithë respektin e duhur ndaj atyre tri gjenive të antikitetit, dhe gjithë filozofëve të mëdhenj para dhe pas tyre, nuk mund të mos shqyrtohet nëse vërtetë Shopenhaueri me filozofinë e tij arrin tëmëtojë një vend që s'mund ta mëtojë askush tjetër; pra, nëse pohimi i Tolstojit ose hamendësimi i çdokujt tjetri me këtë dimension është i vërtetë në njëkuptim të veçantë, duke pranuar kështu se nuk bëhet fjalë për një hiperbolë, të lëshuar nga dikush që në këtë mënyrë kërkon të shprehë lavdin dhe admirimin e tij ndaj dikujt që arriti t'i çelë e shpalosë horizonte të rinj të panjohur më parë nga askush.
