Titulli: Bota si vullnet dhe përfaqësim, pjesa e parë dhe e dytë
Origjinali: Die ëelt als Wille und Vorstellung
Autori: Artur Shopenhauer
Shqipëroi: Dritan Thomollari, Ilirjana Angoni
Kategoria: Filozofi
Botues: Plejad
Specifikimi: Kapakë të hollë
Viti i botimit: 2009
Pesha: 0.34 kg
Faqe: 304
Përmasat: 20.5x14.3
ISBN: 9789995657154
Ky libër është në gjuhën shqipe
Kategoritë: 1. Filozofia 2. Arthur Schopenhauer 3. Dritan Thomollari 4. Ilirjana Angoni
Mbi librin
Jo bashkëkohësve të mi, jo bashkëqytetarëve të mi, por njerëzimit po ia dorëzoj veprën time... me një rëndesë të brendshme dhe me besimin se herët a vonë do të arrijë tek ata, të cilëve mund t'u drejtohet. Por, nga ana tjetër, qetësisht i dorëzuar të shoh të prekë, në tërësinë e vet, fatin që i takon përgjithmonë të vërtetës, në çdo fushë të dijes: fat, që thotë se të vërtetës i është caktuar veçse një triumf i shkurtër, midis dy hapësirave të gjata kohe, në të cilat ajo dënohet si paradoksale ose nënçmohet si banale.
E vërteta nuk është grua e përdalë, që u hidhet në qafë atyre që nuk e dëshirojnë; përkundrazi, ajo është bukuroshe kaq shumë ngurruese, saqë edhe ai që arrin të sakrifikojë gjithçka nuk mund të jetë i sigurt t'i fitojë favoret e saj. Jeta është e shkurtër, por e vërteta punon me largpamësi e rron shumë gjatë, Le ta themi pra të vërtetën!
Mendimet e këtyre shpirtrave të jashtëzakonshëm nuk durojnë të filtrohen nga një mendje e zakonshme. Të prodhuara prej balleve të gjera, të larta e të harkuara, nën të cilët shkëlqejnë sy vezullues, nëse transportohen në një strehë të angështuar e me çatinë e ulët të një kafke të ngushtë, të shtypura në muret e trashë, prej të cilave spiunojnë vështrime të topitura, që priren krah qëllimeve personale, ato humbasin çdo jetë dhe fuqi, e nuk i ngjajnë më as vetvetes. Madje, mund të thuhet se këto lloj mendjesh veprojnë si pasqyra deformuese, në të cilat gjithçka përdridhet, shfigurohet, humbet simetrinë e bukurisë së saj e përngjason me një ngërdheshje.
Ndaj, ai që ndihet i prirë kah filozofisë duhet t'i vizitojë mjeshtërit e pavdekshëm të saj në faltoren e heshtur të veprave të tyre.
