Nje mik, Fred Uhlman

Titulli: Një mik
Origjinali: Reunion
Gjinia: Roman
Autori: Fred Uhlman
Shqipëroi: Milena Ibro
Shtëpia botuese: Ideart
Viti: 2005
Fq. 104
Pesha: 0.16 kg
ISBN: 978-99943-720-5-X

Mbi librin

Ky roman është një histori klasike që u drejtohet të gjithëve, por veçanërisht atyre që janë bashkëmoshatarë me personazhet kryesorë të librit: adoleshentëve. Pas 15 vjetëve i jam kthyer leximit të librit dhe aty rigjeta këshillime të reja që dikur, në leximin e parë, më ishin fshehur midis rreshtave të tij, këshillime që, ndonëse nga një kohë tjetër, arrijnë të komunikojnë edhe me modernitetitn, pasi thelbi njerëzor mbetet i njëjtë në të gjitha kohërat dhe vlerat humane: miqësia, dashuria, sinqeriteti i përcillen çdo brezi si pasuri.

Dy të rinj, Konradini dhe Hansi, që në pamje të parë duket se ndajnë së bashku vetëm të njëjtën klasë, lidhen më njëri – tjetrin për një arsye të vetme: miqësinë. Por brenda një viti bota me tmerret e saj, i largon prej Edenit të tyre dhe i hedh në realitetin e pashoq të atyre viteve, duke i vënë, edhe pse nuk dëshironin, kundër njëri – tjetrit.

Lidhja e tyre miqësore ndërpritet ashtu si ndërpriten ëndrrat dhe shpresat e një brezi. Më pas, dhuna e detyron Hansin të emigrojë përgjithnjë në Amerikë. Ai i shkëput të gjitha lidhjet me Gjermaninë deri në vitet '60. Pastaj, papritmas, një ditë mbërrin një letër... Mbyllja e romanit është drithëruese, por pa retorikë. Mu desh të mbuloja me dorë rreshtat e fundit të librit, sepse në të kundërt, shikimi im do të zbriste më poshtë për të parë nëse ishte aty ai emër...

Lexojeni këtë libër, dhurojeni këtë roman që më bukur se cilido tekst i ngjashëm letrar ofron miqësi, të mëson të bësh miq dhe të këshillon ta ruash me çdo çmim atë.