"Historia e gruas së fotografit” është emri me të cilin e njohin të gjithë, ato pak herë që e përdorin, por, në të vërtetë, ajo është edhe historia e vetë fotografit, ose më saktë, është historia e teorisë së tij mbi rëndësinë e gjërave të vogla.
Përrallat e treguara nga Mitrush Kuteli përbëjnë pjesën më të rëndësishme të letërsisë shqiptare, një frymëzim për një numër të madh veprash të tjera letrare që pasuan përgjatë dekadave. Tregime të Moçme Shqiptare përbën një klasik të të gjitha kohërave.
Për shumë vite me radhë Enver Hoxha i imponoi historisë versionin e tij. Ai rezulton i paturpshëm për t'i transformuar ngjarjet, për t'i fshirë ose zhdukur personazhet dhe për të ngritur në histori një protagonist të vetëm: atë vetë.
Duke lexuar "Prillin e thyer" kuptohet lehtësisht përse dhe me çfarë force Ismail Kadare është pasionuar për tragjedinë dhe për dy përfaqësuesit më të shquar të saj, Shekspirin dhe Eskilin. "Miku, besa dhe gjakmarrja janë rrotat e mekanizmit të tragjedisë antike, dhe të futesh në mekanizmin e tyre është të shikosh mundësinë e tragjedisë."
Lista e librave të autorit ose përkthyesit Milton Friedman
Milton Friedman, 1912-2006, qe një ekonomist amerikan, fitues i çmimit Nobel në Ekonomi në vitin 1976. Ai konsiderohet si ekonomisti më me ndikim në epokën pas Luftës së Dytë Botërore.
Në shumë kuptime, rendi ekonomik i shumicës dërrmuese të botës së sotme është rrjedhojë e studimeve të Friedman. Sistemi i menaxhimit monetar me bankë qendrore të pavarur dhe me monedhë me kurs të lirë luhatës, me interesa bazë për te menaxhuar inflacionin si dhe synimi themelor i shtetit "stabiliteti i çmimeve" janë produkt i punës së Friedman. Po kaq të rëndësishme janë edhe aspektet e politikave sociale të propozuara prej tij, të tilla si norma negative e tatimit mbi të ardhurat personale, (detyrimi i shtetit për të rimbursuar tatimin kur një familje ka të ardhura më të ulëta se sa minimumi jetik) apo ndihma e drejtpërdrejtë në para për strehim për familjet në nevojë strehimi janë gjithashtu politika të propozuara dhe argumentuara nga Friedman.
I konsideruar si kampion i kapitalizmit dhe i kritikuar për politikën e shumëdebatuar të tatimit të sheshtë mbi të ardhurat personale, leximi i Friedman është i domosdoshëm për të kuptuar ekonominë e kohës ku jetojmë.
I botuar fillimisht më 1962, Kapitalizmi dhe Liria u shit për më shumë se gjysmë milioni kopje në 18 gjuhë ndërsa rëndësia e këtij libri u rrit pavarësisht dekadave që kaluan nga publikimi.
