Lista e librave të botuesit Bota Shqiptare

Vila e vjetër qëndronte e patundur, e përgjumur dhe e paqtë. Vetëm se jo edhe për shumë kohë! Motrat Tesa, Livi, Malea dhe Keni po shpërnguleshin me prindërit dhe Reonën e mrekullueshme në shtëpinë e trashëguar nga ungji i të atit…

Si vajza të vogla, Mekenzi, Ema, Lorela dhe Parkeri kalojnë orë të tëra duke luajtur rolet e tyre të parapëlqyera. Vite më pas, fantazitë e tyre bëhen realitet kur ato hapin agjencinë e tyre të dasmave, për t'ia bërë realitet ëndrrat çdo femre.

Po sikur, për të marrë notë të mirë në universitet, të duhet të zësh miqësi me dikë që nuk të pëlqen? Lavinia mendonte se kishte mësuar shumë nga jeta por, pas maturës, dëgjoi këshillën e prindërve dhe u regjistrua për të studiuar ekonomi.

Ana ishte gruaja e jetës sime, pas tri javësh duhej të martoheshim. Sigurisht që do ta doja, pavarësisht se ç'mund të kishte bërë. Të paktën, ashtu besoja, por ajo rrëmoi në çantë me dorën që i dridhej dhe më zgjati një fotografi.

Në moshën tridhjetedyvjeçare, Rasëll Grini i ka të gjitha: një grua magjepsëse, një vajzë të dashur gjashtëvjeçare, karrierë të suksesshme si punonjës reklamash dhe një shtëpi të kushtueshme në Sharlotë. Ai po jeton ëndrrën dhe martesa me Vivianën e bukur është në qendër të saj.

Bihteri duke dashur të harrojë gjithçka - ndërkohë që kandili nuk po digjej i tëri - kalon përpara pasqyrës që pasqyronte hije në errësirë, shikon trupin e saj lakuriq dhe tronditet nga kënaqësia. Nuk e di se çfarë mund të mendonin të tjerët, por kjo, rruga që shkonte drejt të kënaqurit të vetes, e mbështillte Bihterin me një vetmi të pafund.

Lokali është plot njerëz, i zhurmshëm. Burri është ulur pranë dritares dhe vështron qiellin gri, i mërzitur, si çdo mëngjes të hëne. Papritur kthehet dhe ajo është aty, përballë tij. Sytë i mbushen me habi, gishtat që i dridhen, me të cilat mban çantën tregojnë se ndjehet e zënë ngushtë.

Çatia e dhomës së prindërve të vajzave po shembet. Baba Korneliusi përpiqet ta mbajë, me sa ka fuqi, por pastaj mbulohet nga trarët dhe tjegullat, që i bien mbi kokë dhe përfundon në spital. Gjatë mungesës së tij, si gjithmonë në familjen Martini ndodhin njëmijë e një të pabëra.

Njihuni me zotin dhe zonjën Grant. Oh, jepini. Ata nuk janë edhe aq të këqij. Jo, në të vërtetë, janë. Madje, ndoshta edhe më të këqij nga sa kujtoni.

Izi dhe shoqet e saj janë vërtet të habitura kur zonjusha Xhons fillon të sillet e dashur me to. Sepse ajo është mësuesja që kishte buzëqeshur fshehtazi kur Mejzi Mileri kishte rënë nga karrigia. Dhe pastaj në tryezën e saj shfaqet ai arushi prej pelushi me fjalët "Ti je e bukur" të shkruara në bark.

Mirësevini në lagjen e sipërme lindore të Nju Jorkut, ku jetojmë, shkojmë në shkollë, luajmë dhe flemë (ndonjëherë edhe me njëri – tjetrin) unë e miqtë e mi. S – ja u kthye nga shkolla me konvikt.

Luka ndodhej në shtëpinë mbi pemë, bashkë me vëllain e madh, Zakun, por i bëhej çiçi. Kur u kthye, vëllait të padenjë, që nuk kishte lexuar kurrë në jetën e tij asnjë libër me vizatime, i qenë dhënë superfuqi, me detyrën për të shpëtuar jo një, po dy universe. Luka u tërbua!