Mario Puzo

Fëmijë emigrantësh italianë që u vendosën në zonën Hell’s Kitchen (Kuzhina e Ferrit) në qytetin e Nju Jorkut, Mario Puzo lindi më 15 tetor 1920. Pas Luftës së Dytë Botërore, ku shërbeu si tetar në ushtrinë e Shteteve të Bashkuara, ai ndoqi studimet në City College në Nju Jork dhe pastaj punoi si shkrimtar i lirë. Gjatë kësaj periudhe ai shkroi dy romanet e tij të para, Dark Arena (1955) dhe The Fortunate Pilgrim (1964). Kur librat e tij bënë shumë pak para nga shitjet pavarësisht se u vlerësuan nga kritika, au u betua të shkruante një libër të shumëshitur. Kumbari (1969) ishte një sukses i jashtëzakonshëm. Ai bashkëpunoi me regjisorin Francis Ford Coppola për skenarët e tre filmave të serialit Kumbari dhe fitoi Oskarin nga Academy Awards si për filmin Kumbari (1972) ashtu edhe për Kumbari, pjesa e dytë, (1974). Ai bashkëpunoi gjithashtu për skenarët e filmave të tillë si Supermeni (1978), Supermeni II (1980), dhe The Cotton Club (1984).

Ai vijoi të shkruajë romane me sukses të jashtëzakonshëm, përfshirë Fools Die [Budallenjtë vdesin] (1978), Siciliani (1984), The Fourth K. [K-ja e katërt] (1991), dhe Kumbari i fundit (1996).

Mario Puzo vdiq më 2 korrik 1999. Romani i tij i fundit, Omerta u publikua në vitin 2000.