Lista e librave të autorit ose përkthyesit Jeronim Stilton

Gjithçka filloi me një shpatë misterioze brenda një shkëmbi... Vetëm Arturi mund ta nxirrte dhe të bëhej Mbreti i Kamelotit.

Të dashur miq, fluturoni me mua mbi flatrat e Dragoit të Fantazisë! Do të kridheni së bashku në një mijë aventura dhe një mijë rreziqe për të çliruar Floridianën, Mbretëreshën e Zanave, dhe të vendosim sërish paqen në Mbretërinë e Fantazisë! Jeni gati? Atëherë... hapeni këtë libër dhe ëndërroni me mua!

Ejani e më bëni shoqëri në këtë udhëtim aventuror në Mbretërinë e Fantazisë! Edhe këtë herë, do të takoj Floridianën, Mbretëreshën e Zanave. Do të nisemi mbi flatrat e praruara të Dragoit të Ylberit, do të kaptojmë vendin me erë të rëndë të katallanëve, vendin oreksndjellës të Ëmbëlsirave, vendin zbavitës të Lodrave dhe vendin rrëzëllues të Arit.

Përgjatë brigjeve të Misisipit, Tom Sojeri dhe shoku i tij i pandashëm, Hakëlberri Fin, e bëjnë të paharrueshme çdo ditë. Maskohen si piratë, zbulojnë një thesar të fshehtë dhe arrijnë t'i shpëtojnë kthetrave të të tmerrshmit Indiana Xho.

Teto Lipa është një eksperte e vërtetë në punë dashurie!Çarku ëndërron të hapë një restorant supermiushor në Miushëri!Gjysh Torkuatoja mban topin e golfit... thjesht, sepse i del gjithmonë huq!Tea është fotografe me profesion, por këtë radhë e fotografuara do të jetë vetë ajo!Xhaxha Cingun, miushi më koprrac i ishullit!

Për të tërë mocarelën e botës, në Kolose vërtitet një gladiator i tmerrshëm fantazmë, ndaj asnjë turist nuk guxon ta vizitojë më! 

Kush ka fituar njëmijë milionë në llotarinë e Lotomiushit? Kush? Kush? Kush? Mister! Fakti është që Çarku u bë super i pasur si me magji: supermegaalametmakine, kështjellë, helikopter... miushiut të shkretë i hyri vetja në qejf, por nuk e di ç’e pret, ciut!

Për tërë mocarelën e botës, sa shumë aventura më ndodhën para pushimeve! Shpëtova teto Lipën nga zjarri, m’u përmbyt zyra, Mbreti i Patatinave me Djathë më kërcënoi se do të m’i shkulte mustaqet e do të m’i jepte në putër... dhe midhjet e fërguara më ranë plumb në stomak!

Ju a jeni i ndrojtur? Unë po! Ja përse desh më ra pika kur mora pjesë në një garë barcaletash në televizion... para miliona teleshikuesve! Por pastaj mësova sekretet për t’ui rrëfyer mirë barcaletat... jua kam zbuluar këtu, bashkë me barcaletat e reja të Miushërisë!

Shoku im, Miushald Roku, një ndër atletët më të famshëm të Miushërisë, më nxori ujët e zi me superprogramin e tij të stërvitjes... pastaj së bashku morëm pjesë në një vrapim supermiushor, ku ndodhi gjithçka, vërtet gjithçka...

Po kush dreqin ma mbushi mendjen që të nisesha për në Puerto Gërmadhë? Pushime të tmerrshmeL ngado më ndiqnin peshkaqenët e furrtaret, përvëlova turiçkat në diell, m’u desh të hidhesha me parashutë dhe të bëja alpinizëm ekstrem...

Njoha Hirnushe Terribraksin, një miushe joshëse që banon në një varrezë dhe sorollatet me një makinë varrimi... dhe u detyrova të merrja pjesë në një festë Hallouini me një menu... rrëqethëse! Në libër do të gjesh edhe tërë të fshehtat për të organizuar një festë Hallouini!