Në pasqyrën e Oksidentit, Enis Sulstarova

Titulli: Në pasqyrën e Oksidentit
Origjinali: Në pasqyrën e Oksidentit
Gjinia: Shkenca politike
Autori: Enis Sulstarova
Shtëpia botuese: Logos-A
Viti: 2010
Fq. 534
Pesha: 0.611 kg
ISBN: 978-998958365-0

Koment nga autori

Libri që keni në duar riboton disa prej eseve studimore, artikujve dhe recensioneve të mia që janë botuar në revista dhe gazeta të ndryshme në hapësirën shqiptare gjatë viteve 2000. Me rastin e ribotimit të gjitha shkrimet janë ripunuar nga autori, por pa bërë ndryshime thelbësore të varianteve të botimeve të mëparshme.

Secili prej shkrimeve trajton një temë të veçantë, prandaj përbën një njësi më vete. Megjithatë, nisur për nga afërsia tematike ata janë mbledhur në disa pjesë. Dy ndarjet kryesore të librit përmbajnë punime që janë pjesë përbërëse, apo zgjatime, të dy projekteve studimore që kam ndjekur në këta vite dhe që kanë rezultuar në dy libra - Ligjërimi nacionalist në Shqipëri dhe Arratisje nga Lindja - dhe në një tezë në përfundim e sipër për gradën doktor i shkencave.

Esetë e ndarjes së fundit, që kanë të bëjnë me aspekte kulturore dhe politike të Shqipërisë komuniste, kanë qenë nisma studimore të palidhura me ndonjë projekt më të gjerë. Disa nga esetë studimore të këtij libri kanë nisur si lexime në teoritë bashkëkohore shoqërore dhe politike, që më pas janë përdorur për të kuptuar dhe shpjeguar ligjërime dhe praktika që i kanë dhënë trajtë identiteteve moderne shqiptare, që nga Rilindja Kombëtare e deri në ditët tona.

Këta studime mund të quhen edhe udhëtime teorike që tani për tani janë ndalur në stacione, por që mund të rinisin sërish në të ardhmen. Shpresoj që disa lexuesit t'i gjejnë të dobishme dhe të përdorshme për studimet e tyre, ndoshta duke vazhduar më tutje në rrugë të ngjashme me të miat.

Falënderoj ekipin e shtëpisë botuese Logos A që mundësoi botimin e librit, veçanërisht z. Zekerija Ibrahimin, i cili e mirëpriti qysh në fillim dhe e mbështeti idenë time për këtë përmbledhje. Këtë libër ia kushtoj kujtimit të babait tim, i cili, veç të tjerash, ka qenë edhe lexuesi dhe kritiku i parë i shkrimeve të mia ndër vite.

Përmbajtja

Shënim i autorit
l. Kombi dhe nacionalizmi shqiptar
Lindja e kombeve dhe mendimi i Naum Veqilharxhi
Lidhja e Prizrenit si themel i politikës
Përfytyrimi i kombit te Naimi
Mitet kombëtare në Lahutën e Malcis
Fillimi i mundimshëm i kombit Jetë paralele?
Idetë e Zija Gëkalpit dhe Branko Merxhanit mbi kombin dhe modernizimin
Miti kombëtar
Çështja e Kosovës në prizmin e Albin Kurtit
Përpjekja për bashkimin kombëtar: tre artikuj

II. Ideja e Evropës dhe orientalizmi
Çfarë është orientalizmi?
Personazhe orientaliste: Ali Pasha dhe Xheladin beu Haxhi Qamili: rebel, hero, kundërhero
Në pasqyrën e Oksidentit: Ideja e Evropës në debatet intelektuale të viteve 20-30
Drama e intelektualit të ri në letërsinë e viteve 20-30
Orientalizmi dhe erosi te Kadareja Perandoria e munguar
"Provincializimi i Evropës" dhe debati për identitetin evropian të shqiptarëve
A mundet islami të përfaqësojë Evropën?

III. Kultura dhe politika në Shqipërinë komuniste
Mbijetesa e përditshme nën komunizëm
Shoqëria socialiste e së ardhmes: Shqipëria përmes letërsisë fantastiko-shkencore
"Në emër të popullit": Populizmi në letërkëmbimin e Ismail Kadaresë me Ramiz Alinë në vitin 1990