Interpretimi i vrasjes, Jed Rubenfeld

Titulli: Interpretimi i vrasjes (kopertinë e trashë)

Origjinali: The interpretation of Murder

Gjinia: Roman

Autori: Jed Rubenfeld

Shqipëroi: Vladimir Bica

Shtëpia botuese: Fenix

Viti: 2019

Fq. 456

Pesha: 0.645 kg

ISBN: 978-9928-297-42-6

Ky libër është në gjuhën shqipe

Mbi librin

Ky roman, i botuar në vitin 2006, është romani i parë nga profesori amerikan i drejtësisë, Jed Rubenfeld. Libri tregohet në vetën e parë nga perspektiva e Dr. Stratham Jangerit, një psikoanalist dhe pasues i supozuar i Frojdit. Ngjarjet e tjera ku ai nuk është prezent ai informohet nga personazhet e tjerë të librit prandaj ai ka njohuri të mjaftushme për të shkruar dhe komentuar mbi to.

Në këtë thriller historik të bukur dhe që të mban pezull, Zigmund Frojdi zhytet në mendjen e një vrasësi sadist, i cili ka sulmuar egërsisht trashëgimtaret më të pasura të Manhatanit.

E inspiruar nga e vetmja vizitë e Sigmund Frojdit në Amerikë, "Interpretimi i Vrasjes" është një ngjarje e ndërlikuar e vrasjeve dhe mistereve të mëndjeve më të rrezikshme të asaj kohe në Amerikë. Ajo shpaloset në një mbrëmje të nxehtë Gushti të vitit 1909, sapo Frojdi zbret nga avullorja Xhorxh Uashington, i shoqëruar nga Karl Jungu, rivali dhe i favorizuari i tij. Në anën tjetër të qytetit, në një apartament luksoz që e shihte nga lart qytetin, një vajzë e re dhe jashtëzakonisht tërheqëse, gjendet e varur në llampadar, e rrahur me fshikull, e sakatuar dhe e mbytur. Ditën tjetër, një bukuroshe tjetër, një trashëgimtare rebele, që përçmonte njëkohësisht shoqërinë e lartë dhe prindërit e saj më pak aventuroz, për pak sa i shpëton një vrasësi. Sidoqoftë Nora Akton, që po vuante nga histeria, nuk mbante mend asgjë nga sulmi kundër saj. I kërkuar që ta ndihmonte, Dr. Stratham Jangeri, analisti më i dëgjuar dhe më i përkushtuar i Frojdit, i kërkon ndihmë idhullit të tij, pra vetë "Mjeshtrit" të madh, që ta udhëheqi përmes sfidave për analizimin e kësaj vajze të re me shpirt të lartë , e kaluara e familjes të së cilës ka qenë po aq e komlikuar sa edhe e tija.

Interpretimi i Vrasjes i shpie lexuasit nga sallonet e Gramercy Park, nëpërmjet udhëve sekrete, në Çajnataun, bile edhe më thellë nga ujrat e Ist River ku puntorët janë duke ndërtuar Urën e Manhatanit. Ndërsa Frojdi i rreziston një konspiracioni misterioz për ta shkatërruar, Jangeri rrëmbehet nga një aventurë me emocione po aq të njëjta, që e shpie mjaft thellë në djallëzitë e mëndjes njerëzore.

Duke të falur një kënaqësi të madhe, i thurur me elegancë, romani "Interpretimi I Vrasjes" shënon debutimin brilant dhe argëtimin spektakolar që të jep një tregimtar i ri i talentuar.