Shtriga e Babilonisë, D. J. McIntosh

Titulli: Shtriga e Babilonisë
Origjinali: The Witch of Babylon
Gjinia: Roman
Autori: D. J. McIntosh
Shqipëroi: Andri S. Myftiu
Shtëpia botuese: Toena
Viti: 2014
Fq. 400
Pesha: 0.501 kg.
ISBN: 978-99943-1-914-5

Mbi librin

Nga vapa përvëluese dhe shtrëngatat me rërë të verës famëkeqe të vitit 2003 në Bagdad, vjen ky rrëfim tepër tërheqës, i mbështetur në traditën e lashtë kulturore të Mesopotamisë dhe në rëndësinë jo aq të njohur, por të thellë të saj, për njerëzimin. Xhon Medisoni është një tregtar veprash arti, turko-amerikan, i rritur nga vëllai i tij shumë më i madh në moshë, Samueli, studiues i nderuar i kulturës së Mesopotamisë.

I mbërthyer, si në darë, ndërmjet pasionit e ankthit të Samuelit, për të shpëtuar një relikte të paçmueshme të grabitur në Muzeun Kombëtar të Irakut dhe një loje hakmarrjeje për vdekje, të kurdisur nga shoku i tij i fëminisë, Xhonit i bie barra të zgjidhë një enigmë, për të zbuluar lidhjen ndërmjet një shtrige të ditëve të sotme dhe një shtrige të kohëve të lashtësisë.

I ndihmuar nga Tomasi, arkeolog dhe Ari, fotoreporter irakian - dy burra që kanë sekretet e veta për të ruajtur - Xhoni nxiton për të deshifruar një profeci biblike, që shpie deri te historia e errët e shkencës së alkimisë: A është e mundur, në fund të fundit, ideja e kthimit të metalit të plumbit në ar?

Kundër vullnetit të vet, Xhoni kthehet në Irak, ku një thesar përrallor koleksioni objektesh të çmueshme është në pritje për t'u zbuluar dhe ku e vërteta për një histori të famshme, që bota e beson se është mit, në fund del në shesh.

Koment mbi librin

"Historia e lashtë dhe alkimia ndërthuren për të na mbushur me emocione ankthi në këtë triller historik të jashtëzakonshëm. Roman i mrekullueshëm."

Louise Penny, autor i New York Times – it