Procedura, Harry Mulisch

Titulli: Procedura
Origjinali: De Procedure
Gjinia: Roman
Autori: Harry Mulisch
Shqipëroi: Edit Dibra
Shtëpia botuese: Dituria
Viti: 2003
Fq. 208
Pesha: 0.32 kg
ISBN: 978-99927-59-17-8

Mbi librin

Ky roman i Harry Mulisch, tashmë i njohur si mjeshtër i fjalës në gjithë botën, është një traktat i vështruar në një perspektivë letrare: krijimi i jetës nga lënda e pajetë. Zoti krijoi Adamin nga balta, Frankenshtajni përdori pjesët e trupit, Pigmalioni mermerin, Viktor Verkeri, një mikrobiologjist në lule të krijimtarisë, ka zbuluar "eobiontin", një kristal argjile me cilësi metabolike dhe fuqi vetëripërtëritëse.

Historia e rabinit Levi, që jeton në Pragën e shekullit të XVI – të dhe që ngarkohet nga perandori Rudolf ll t'i japë shpirt një figure prej balte, pra një golemi, është sinjali i parë. Sapo merr jetë, golemi vret dhëndrrin e Levit, Isakun.

Shumë kohë më pas, Viktori, profesor në Universitetin e Berklit i shkruan letra njëra pas tjetrës Klarës, ish të dashurës së tij dhe Aurorës, vajzës së tij të vdekur. Eobionti e ka bërë Viktorin të famshëm, por fuqia e tij për ta krijuar jetën normalisht, është shuar përfundimisht. Klara e ka braktisur sapo shtatzania e saj përfundoi me një dështim. Viktori është një mishmash i mirësisë dhe egoizmit të shfrenuar. Dhe ai vuan pasojat e shpikjes së tij makabre, të famës dhe egoizmit të tij, kur nis të vuajë nga paranoja e përndjekjes.

Mbi autorin

Harry Mulisch ka lindur në Harlem më 1927. Ai është një nga shkrimtarët hollandezë më në zë të kohës sonë. Vepra e tij përbëhet nga romane, poezi, tregime, drama, histori bashkëkohore dhe studime, të përkthyera tashmë në shumë gjuhë.