Titulli: Im ungj Osvald
Origjinali: My uncle Oswald
Gjinia: Roman
Autori: Roald Dahl
Shqipëroi: Virgjil Muçi
Shtëpia botuese: Dituria
Viti: 2014
Fq. 264
Pesha: 0.345 kg
ISBN: 978-9928-103-91-9
Mbi librin
I botuar për herë të parë në Britaninë e Madhe në vitin 1979, "Im ungj Osvald" është njëra nga veprat më të njohura të Roald Dahlit. Ky roman i pashoq është konsideruar prej kritikës si një vepër "pa masë zbavitëse", ku të gjithë përfitojnë kënaqësi dhe shfrytëzohen prej shoku – shokut në një mënyrë apo një tjetër.
Edhe pse një vepër fiction fund e krye, lexuesi do të hasë në të disa prej personazheve më të njohura të shekullit të njëzetë nga arti, kultura, politika, tok me veset dhe defektet e tyre njerëzore.
Nëpërmjet një gjetjeje të pashoqe, Brumbullit sudanez të Fshikëzës, i cili, as më shumë, as më pak, është pararendësi i viagrës së sotme dhe, kësodore, një afrodiziak i jashtëzakonshëm, Osvaldi është një sipërmarrës i pacipë, që kërkon të nxjerrë fitime marramendëse me anë të pluhurit çudibërës dhe hireve ngashënjyese të Jasminës, partneres së tij. Gjithë çka vijon më pas është krejt në dorën tuaj për ta zbuluar.
Komente mbi librin
"Një nga shkrimtarët më të lexuar dhe më me ndikim të brezit tonë."
The Times
"Harlisje pa kufij dhe argëtim pa fre."
Sunday Express
"Jashtëzakonisht zbavitës."
Daily Telegraph
Mbi autorin
I lindur nga prindër norvegjezë në vitin 1916, jeta e Roald Dahlit ka qenë tejet e pasur me ngjarje dhe aventura. Gjatë Luftës së Dytë Botërore, ai u plagos në Libi duke luftuar si pjesëtar i RAF – it kundër trupave naziste. Përvoja e tij e jashtëzakonshme e luftës do të pasqyrohej fillimisht në një vëllim me tregime dhe më pas do të shtrihej në të gjithë veprën letrare të këtij shkrimtari mjaft pjellor.
Krijimtaria letrare e Dahlit është e larmishme dhe e gjerë, duke filluar nga tregimet e deri te romanet, si për të rritur ashtu edhe për fëmijë. Ajo çka të bie në sy në veprën e tij është se Roald Dahli është zhvendosur vazhdimisht nga një regjistër letrar në një tjetër: nga proza realiste te proza fantastike.
