Princesha e Akademisë, Princesha me fuqi të rrallë, libri i katërt, Shanon Hale

Titulli: Princesha e Akademisë, Princesha me fuqi të rrallë, libri i katërt
Origjinali: Princess of Academy
Gjinia: Roman
Autori: Shanon Hale
Shqipëroi: Daniela Proko
Shtëpia botuese: Jonalda
Viti: 2016
Fq. 176
Pesha: 0.215 kg.
ISBN: 978-9928-158-80-2

Mbi librin

Nëse e fillon për ta lexuar këtë libër nuk mund të shkëputesh pa e mbaruar. Libri i shkrimtares së shquar amerikane për fëmijë, Shanon Hale, vjen për herë të parë në shqip. Është nga më të lexuarit për fëmijë dhe me shumë vlera edukative. Ngjarjet zhvillohen me personazhe njerëz dhe jashtëtokësorë.

Dy bebe aliene përfundojnë në tokë, njëra prej të cilave rritet nga një grua që nuk kishte fëmijë. Kur vajza kërkon të vazhdojë shkollën, merret nga alienët dhe, pa kuptuar as vetë, përfundon në vendlindjen e saj.

Ajo, që ishte rritur në tokë, gjeti mamanë e saj, e cila ishte mbretëreshë në planetin ku vajti. Vetë vajza është një princeshë, por këtë nuk ia tregoi askush dhe e zbuloi vetë, hap pas hapi.

Vajza lexon shumë për të mësuar sekretet, ndeshet e fiton mbi vështirësitë dhe intrigat duke arritur që të meritojë emrin dhe autoritetin e një princeshe, por është edhe një qenie e zgjuar që shpëton planetin e saj nga keqdashësit dhe intriguesit brenda së njëjtit lloj.

Pastaj, ajo vjen përsëri në tokë ku takon gruan që e rriti por edhe gjen e merr kushërirën e saj që kishte ardhur bebe dhe ishte rritur edhe ajo si një vajzë tokësore. Në situata tepër intriguese dhe të vështira, princesha aliene vjen tek lexuesi si një qenie tokësore, me ngjarje njerëzore, por me zgjuarësi e veti të rralla që frymëzojnë çdo fëmijë që ka dëshirë të dijë e të arrijë shumë gjëra në jetë.