Jeronim Stilton, Një limonadë me miza për kontin

Titulli: Jeronim Stilton, Një limonadë me miza për kontin
Origjinali: Una granita di mosche peri il conte
Gjinia: Roman
Shqipëroi:Agim Doksani
Shtëpia botuese: Pegi
Viti: 2013
Fq. 128
Pesha: 0.142 kg
ISBN: 978-9928-162-73-1

Mbi librin

Të dashur miq brejtës, këtu në Miushëri, në Ishullin e Miushëve, librat e mi janë bestseller! Po si kështu, nuk i njihkeni? Janë histori gazmore, më të buta se mocarela, më të shijshme se gruvieri, më ndjellëse se gorgonxola... histori për t'u pirë në kupë... Fjala e nderit e Jeronim Stiltonit!

Një limonadë me miza për kontin

Po si vallë më mori maçoku mendjen dhe shkova deri në Transmiushëri, në kështjellën e kontit Vlad? Kaq e dendur është mjegulla sa nuk shquan gjë prej gjëje dhe banorët vijnë era hudhër! Bërr... Thonë se hudhra i mban larg vampirët...

Jeronim Stilton ka lindur në Miushëri, është diplomuar në Topologjinë e Letërsisë Mijore dhe në Filozofinë Arkeomiuike të Krahasuar. Drejton Jehonën e Brejtësit, gazeta më e famshme e Ishullit të Minjve. Është fitues i Çmimit Miucer për skupin "Thesari misterioz i zhdukur". Jeronim Stilton është fitues edhe i çmimit "Andersen" (2011), si personazh i vitit. Librat e tij janë përkthyer në 35 gjuhë të botës dhe vetëm në Itali janë shitur më shumë se 20 milionë kopje, si dhe më shumë se 45 milionë në mbarë botën!

Jeronim Stilton jeton në Miushëri, në Ishullin e Miushëve, një ishull i çuditshëm, në formën e fetës së djathit, që ndodhet në Oqeanin Jugor të Miushit. Këtu natyra është e mbrojtur dhe brejtësit jetojnë të lumtur. Në kohën e lirë, Stiltoni koleksionon kore antike parmixhani të shekullit XVIII, por i pëlqen veçanërisht të shkruajë libra, ku rrëfen histori zbavitëse, plot aventura prej supermiushi!