Pranë pyllit, Zhaneta Vetro Prifti

Titulli: Pranë pyllit
Kategoria: Ese
Autori: Zhaneta Vetro Prifti
Botues: Helga's Secrets
Viti: 214
Pesha: 0.200 kg
ISBN: 978-9928-091-33-8
Ky libër është në gjuhën shqipe

Mbi librin

Strukturimi i të gjithë librit ndjek një logjikë të kujdesshme që përkon me historinë e saj personale. Dikur fëmija e lumtur, prej një familje të mirë; më pas nxënësja shumë e mirë; adoleshenca me episode të bukura, si ajo me prezantimin që i bën aktori i njohur prej ngjashmërisë; dashuria e saj që është zgjidhur në formë shumë të thukët, por edhe shumë të këndshme; përpjekja dhe zhgënjimi për shkollimin, njerëzit e ndryshëm që e përballin në këtë sfidë; punësimi, familja; njerëzit që e rrethojnë dhe evoluimi i Tyre; ndryshimi i regjimit dhe marrja me fushën e mjedisit dhe në fund edhe mendimi intelektual, si në vend të konkluzioneve, për mënyrën sesi mund të ecet.

Zhaneta, një nëpunëse që e mendon devotshmërinë si detyrë, ngrihet përshëndet dhe dorëzon trashëgiminë e vet. Kjo është fillesa dhe pastaj autorja na merr, tashmë në vetën e parë dhe, na përcjell në të gjithë të papriturat e veta. Janë shumë, por disa të zakonshme për atë kohë, disa të pasens nga ata që i bëjnë për meskinitete, por zgjuarsia e Zhanetës tani është se merr pjesën tjetër të estetikës: Të bukurën…prandaj duhen respektuar këto kujtime të shkruara thjesht dhe pastër, për një jetë që edhe me privacionet ishte e bukur deri në pakësitë e saj.