Enciklopedi e ilustruar për fëmijë, Grup Autorësh

Lindja, fjalët e para, hapat e parë, ditëlindjet e para, shprehjet e para qesharake dhe pushimet e para në bregdet... kujtimet dhe përshtypjet e tre vjetëve të parë sëbashku.

Kafshët popullojnë çdo cep të Tokës. Ato zgjedhin për të jetuar vendin që u siguron ushqim dhe mbrojtje. Në këtë libër do të zbulosh se kafshët mund t’i hasësh në çdo mjedis. Gjthashtu do të mësosh për zakonet e tyre dhe kuriozitete të ndryshme.

"Enciklopedia ime e madhe e hapësirës dhe e universit" paraqet një tablo të mrekullueshme të hapësirës dhe të universit. Ju do të magjepseni me veçoritë e sistemit diellor, të planetëve, të galaktikave dhe me një mori të dukurive të pafundësisë qiellore.

Një libër interesant, argëtues i ilustruar me vizatime të mrekullueshme dhe fotografi të mahnitshme, që u ofron përgjigje të qarta dhe shteruese të gjithë atyre pyetjeve dhe kërshërive që apasionojnë aq fortë të rinjtë.

A e di që tri të katërtat e sipërfaqes së planetit tonë është e mbuluar nga dete e oqeane; që Barriera e Madhe koralore australiane mund të këqyret nga hapësira; që në det mund të gjesh ar; që ka një peshk, i cili mund të rrijë një deri në dy orë jashtë ujit; që balenat ndjekin gjithnjë të njëjtat udhë.

Nga koralet te balena, nga kolibri te shqiponja mbretërore, nga koala te elefanti; në këtë libër tregohet bukuria e papërfytyrueshme dhe shumëllojshmëria e botës së kafshëve të egra dhe atyre shtëpiake.

Pa dyshim që nuk ka kafshë tjetër mbi faqe të dheut që të krahasohet me dragoin e madh, si për nga fuqia, ashtu edhe për nga madhështia.

Abetarja e parë zanore në gjuhën shqipe. Duke shtypur butonët zanorë, fëmijët dëgjojnë shkronjat, fjalët e fjalitë dhe i mësojnë ato në mënyrë argëtuese. Në libër ata do të gjejnë situata me personazhe nga bota e kafshëve, të ilustruara plot ngjyra dhe fantazi.

Kjo seri me libra elektronikë përfshin një tematikë të gjerë për fëmijët e moshës 3-4 vjeç, ku jepen njohuritë fillestare për shkronjat e fjalët, numrat, kafshët, natyrën e mjedisin përreth. Me një miush magjik që lëshon tinguj dhe dritë ndihmohet fëmija për përgjigjet e sakta.

Për heronj të fuqishëm dhe hyj olimpikë,Për përbindësha të tmerrshëm dhe bisha përrallore,O Zot, më jep fuqi të rrëfej këto mrekulli,Se unë kam ardhur në viset e Greqisë,Për mitet dhe misteret e saj të flas.

Kjo enciklopedi plot njohuri dhe fakte e bën për vete imagjinatën e çdo lexuesi. Me ilustrimet fantastike, "Libri i Madh i Diturisë" të dëfren, të intrigon dhe të informon.

Ky libër është një përmbledhje e pasur e kulmeve të ndryshme të dijeve. Nga hapësira tek mjedisi, nga trupi i njeriut tek makinat, enciklopedia paraqet të gjithë informacionin lehtë dhe bukur.

Si punon truri? Çfarë pune bën zemra? Si janë të lidhur muskujt, organet dhe kockat? Si marrim frymë? E komplikuara do të bëhet lehtësisht e kuptueshme, sepse në këtë libër të jashtëzakonshëm do të mësosh gjithçka për pjesët e trupit të njeriut.

Kemi dëgjuar rrëfime për një ishull, ku ka ende dinozaurë që kullosin të lirë; relike të gjalla të një bote parahistorike. A thua të jetë e vërtetë legjenda? Tani do të ndërmarrim udhëtimin për të zbuluar se çfarë mrekullish do të na shohin sytë. A do të kthehemi vallë shëndoshë e mirë në shtëpi?

Legjendat janë rrëfime fantastike, të cilat kalojnë gojë më gojë dhe ndryshojnë sipas këndvështrimit të atij që tregon. Por thelbi poetik i tyre mbetet i njëjtë. Sado imagjinare që të jenë legjendat, ato kanë një bazë të vërtetë dhe kjo është ajo që kemi sjellë dhe ne me këtë libër: kemi rrëfyer legjendat për vende e vise shqiptare sipas mënyrës sonë.