• Banner

Lista e librave të autorit ose përkthyesit Vaso Pasha

Figurë politike, poet, shkrimtar dhe patriot. Ai luajti një rol kyç në kulturën e Rilindjes Kombëtare në shekullin e 19. Lindur në Shkodër, ai kaloi vitet e revolucioneve 1848-49 në Itali dhe publikoi një kronikë të eksperiencës së tij atje në gjuhën italiane. La mia prigionia, episodio storico dell’assedio di Venezia (Burgosja Ime, Episod Historik nga Rrethimi i Venecies; Stamboll, 1950).

Në Stamboll, pas një periudhe varfërie dhe vështirësish, ai mori një post në Ministrinë e Punëve të Jashtme dhe u dërgua në ambasadën e Perandorisë Osmane në Londër. Ai më pas shërbeu në administratën osmane në poste të ndryshme.

Më 1863, falë njohurive të tij për serbokroatishten, u emërua të shërbejë si sekretar dhe përkthyer i Ahmed Xhavid Pashës, një shtetar dhe historian osman, i cili ishte nisur në një mision faktmbledhës në Bosnjë dhe Hercegovinë, mision që zgjati 20 muaj. Vaso Pasha shkroi një libër mbi këtë mision.

Rreth vitit 1867 ai u gjend në Alepo të Sirisë. Pavarësisht ofiqeve që pati në Perandorinë Osmane, ai nuk e harroi kurrë vendlindjen. Më 1877 ai u bë anëtar themelues i Komitetit Qendror për Mbrojtjen e të drejtave të Popullit Shqiptar në Stamboll.

Ai ndihmoi në organizimin e Lidhjes së Prizrenit më 1878. Ka shumë arsye të besohet se ai ishte autori i "Memorandumit për Autonominë Shqiptare" dokument që u dorëzua në Ambasadën e Britanisë së Madhe në Stamboll.

Ai mbështeti krijijmin e një alfabeti latin për gjuhën shqipe dhe ishte anëtar i Shoqërisë së Publikimit të Shkrimeve Shqip. Ai mori titullin pasha më 1883 dhe u bë guvernator i përgjithshëm i Libanit. Ai kaloi viitet e fundit të jetës në Beirut ku edhe vdiq.

Poezitë e tij në shqip janë të famshme në veçanti për frymën laike, të cilat frymëzuan edhe vetë karakterin e shtetit shqiptar pas shpalljes së pavarësisë. “O moj Shqypni” është ndoshta poezia më e famshme shqiptare.

Filtrat aktiv