Lista e librave të botuesit Botart

Mildred Habëll është shtriga më e keqe në Akademinë e Shtrigave të zonjës Kekëll. Ajo gjithmonë i ngatërron fjalët magjike, por ia del disi mbanë, deri në momentin që e shndërron Itelin, manaren e mësueses, në armiken e saj më të tmerrshme.

Nëse keni filluar të pyesni veten se çfarë po ndodh me trupin tuaj, nuk jeni e vetmja! Me miliona vajza, në moshën tetë deri në dhjetë vjeç, janë ndier si ju tani dhe i janë drejtuar këtij libri për të marrë disa këshilla.

Babi i Frenkut ishte një kampion në garat me makina. Mbreti i Pistës. Gilberti i Madh! Por pasi pëson një aksident që e çon nga hero në zero, Frenku me Gilbertin mbeten pa asgjë... dhe bien në kthetrat e një bosi krimi dhe larove të tij. Dhe, pasi Gilberti flaket në burg, vetëm Frenku mund t'i vijë në ndihmë...

Sot po përuroj fletoren jeshile. Do të tregoj gjithçka që ndodh në rrugën Isidore – Bottine, numër 42 (shtëpia ku unë jetoj me prindërit dhe dy motrat e mia), si dhe gjithë aventurat e klasës 5B (klasa ime në shkollën e Panjës).

Kevin: misioni im është top sekret. Nuk do të nxirrni asgjë prej meje se jam një libër i mbyllur. Po s'e hapët këtë libër, s'do mend se e gjithë historia është brenda.

Unë jam Tom Gejts. Kur mësuesit e mi nuk i drejtojnë sytë e tyre të zgurdulluar nga unë, mua më pëlqen të vizatoj dhe të mendoj për mënyra të ndryshme se si të mërzis Delian. Mësuesit e mi mendojnë se jam i papërqendruar dhe më "mungon pikësynimi". Kjo është paksa e vrazhdë, sepse tani jam tejet i përqendruar për të zgjedhur se cilën biskotë duhet të ha...

Njihuni me Zoen. Ajo ka plot arsye për të qenë e dëshpëruar:• Njerka e saj, Shejla, është kaq përtace sa i kërkon Zoes t'i fshijë edhe hundët.• Rrugaçja e shkollës, Tina Trotsi, ia bën jetën ferr për së gjalli, sidomos kur ia lëshon gëlbazën mu në kokë.• Por, mbi të gjitha, ai Bërti i poshtër ka plane të frikshme për miushin e saj.

Vetëvlerësimi është siguria e brendshme e vlerave që mbartim, ndërgjegjia e të qenit një qenie e pashoqe, një njeri me pika të forta e kufij. Vetëvlerësimi lidhet fort me perceptimin që kemi ndaj vetes. Që nga lindja e deri në moshën 6 vjeçare, fëmijët krijojnë një imazh rreth vetes, duke i vëzhguar e duke i dëgjuar prindërit.

Benit i ngjethet mishi të rrijë te shtëpia e llahtarisur e gjyshes çdo të premte mbrëma. Por pastaj zbulon sekretin e saj... Bashkohu edhe ti në aventurën e Benit, ndërsa ai me gjyshen planifikojnë grabitjen më të madhe në historinë e botës. E sigurtë që do të qeshësh, mbase edhe qan. Dhe kurrë nuk ke për të pasur të njëjtin.

Gjithçka që duhet të dini për disiplinën, në mënyrë që të rrisni një fëmijë të gëzuar, të përshtatur si duhet dhe me sjellje të mirë nga ekspertët më të shquar të Amerikës për kujdesin ndaj bebes dhe fëmijës. Disiplinimi i fëmijës do të thotë t'i pajisësh ata me mjetet e nevojshme për të pasur sukses në jetë.

Ky është libri që vajzat e kanë pritur prej kohësh. Nëpër faqet e tij mund të zbuloni se si të bëheni më e mira në gjithçka. Orë argëtimi të garantuara. Shkunde plogështinë! Bëhu më e mira!

Qeniet njerëzore ekzistojnë në Tokë prej të paktën 2.5 milionë vjetësh, që kur filluan të përgatitnin dhe përdornin vegla pune. Të dhënat arkeologjike dhe ato të disiplinave të tjera që veprojnë në këtë fushë mundësojnë studimin për origjinën e njeriut, popullimin e botës, fillimin e prodhimit të ushqimit, si dhe nisjen e qytetërimit.