"Historia e gruas së fotografit” është emri me të cilin e njohin të gjithë, ato pak herë që e përdorin, por, në të vërtetë, ajo është edhe historia e vetë fotografit, ose më saktë, është historia e teorisë së tij mbi rëndësinë e gjërave të vogla.
Përrallat e treguara nga Mitrush Kuteli përbëjnë pjesën më të rëndësishme të letërsisë shqiptare, një frymëzim për një numër të madh veprash të tjera letrare që pasuan përgjatë dekadave. Tregime të Moçme Shqiptare përbën një klasik të të gjitha kohërave.
Për shumë vite me radhë Enver Hoxha i imponoi historisë versionin e tij. Ai rezulton i paturpshëm për t'i transformuar ngjarjet, për t'i fshirë ose zhdukur personazhet dhe për të ngritur në histori një protagonist të vetëm: atë vetë.
Duke lexuar "Prillin e thyer" kuptohet lehtësisht përse dhe me çfarë force Ismail Kadare është pasionuar për tragjedinë dhe për dy përfaqësuesit më të shquar të saj, Shekspirin dhe Eskilin. "Miku, besa dhe gjakmarrja janë rrotat e mekanizmit të tragjedisë antike, dhe të futesh në mekanizmin e tyre është të shikosh mundësinë e tragjedisë."
Lista e librave të autorit ose përkthyesit Philip K. Dick
Philip K. Dick (1928-1982) shkroi 121 tregime dhe 45 romane dhe konsiderohet ndër shkrimtarët më vizionarë të shekullit XX. Temat e identitetit njerëzor dhe natyrës së realitetit e përshkojnë të gjithë këtë krijimtari voluminoze. Më 1974 ai përjetoi një sërë përvojash fetare që i dhanë një kthesë të fortë metafizike veprës së tij.
Dick është ndër figurat më me ndikim në pop-kulturën bashkëkohore, duke shërbyer si frymëzim apo referencë në letërsi, kinematografi, filozofi. Janë të shumtë romanet dhe tregimet e autorit që janë kthyer në filma apo seriale, ndër të cilët: Blade Runner (1982), Total Recall (1990; 2012), Minority Report (2002), The Adjustment Bureau (2011), The Man in the High Castle (2015-).
Jean Baudrillard, John Gray, Slavoj Žižek, Frederic Jameson janë vetëm disa nga autorët e provokuar nga idetë e PKD, apo që kanë shkruar rreth tij dhe veprës së tij.
Në mars të viti 1974, pas vetëvrasjes së një mikeshe dhe një vetëvrasjeje të dështuar, Kaladon Boli goditet nga një rreze kozmike që i transferon informacion mbi natyrën e gjithësisë.
Afrika ka mbetur e shkretë prej spastrimit rrënjësor, ndërsa në Europë nazistët përgatiten të hedhin bombën atomike mbi Japoni. Ndërkohë një roman i famshëm, i ndaluar në gjithë Rajhun, përshkruan një histori alternative në të cilën janë Aleatët ata që e kanë fituar luftën.
