Gjenitë e mendimit, Mendeli dhe vërshimi i OMGJ – ve, Luka Noveli

Titulli: Gjenitë e mendimit, Mendeli dhe vërshimi i OMGJ – ve
Gjinia: Libër edukativ
Autori: Luka Noveli
Shqipëroi: Teuta Mati
Shtëpia botuese: SHBLSH e re
Viti: 2008
Fq. 112
Pesha: 0.159 kg.
ISBN: 978-99943-2-218-3

Mbi librin

Mendeli është babai i madh i gjenetikës. Zbuloi ligjet bazë të jetës, pasojat e të cilëve kanë si kufi vetëm imagjinatën tonë. Por, Mendeli e dashuronte natyrën dhe sot do të ishte në anën e atyre që e mbrojnë. Ai zbuloi së pari se karakteristikat e llojit transmetohen nga prindërit te fëmijët.

Mendeli mundi të shpjegonte në mënyrë praktike mekanizmat e trashëgimisë, pra përse kemi të trashëguar nga mamaja jonë, nga babai ynë ose nga paraardhësit tanë sy të zinj apo flokë biondë, lëkurë zeshkane apo të pikëzuar nga qukat. Këto mekanizma janë ligjet bazë të jetës, që sot njeriu, falë përvetësimeve nga zbulimet e ndryshme teknologjike, mund t'i shfrytëzojë dhe t'i përdorë deri atje ku nuk arrin as imagjinata.

Në këtë libër, Gregor Mendeli na tregon për zbulimet e tij, por mbi të gjitha na flet për veten, intuitat e shqetësimeve vetjake. Mendeli ka qenë një fëmijë i çuditshëm, e më pas një njeri i thjeshtë, i saktë dhe me humor. Gjatë rrjedhës së jetës së tij, nuk mori mirënjohjen që meritonte.