Title: Një njeri i zakonshëm
Original: Everyman
Zhanre: Fiction/Novel
Author: Philip Roth
Translator: Engjëllushe Shqarri
Publisher: Skanderbeg Books
Year: 2020
Pgs.136
ISBN: 978-9928-221-38-4
This book is in Albanian
Mbi librin
Fjalët që i thanë eshtrat së bashku me mposhtjen me vështirësi të mendimeve më të errëta, e bënë të ndihej i gjallë dhe i pamposhtur. Nuk kish gjë që të mund t’ia zbehte gjallërinë atij djali, trupi pa shenja i hollë si silur, i cili një herë e një kohë hidhej mbi dallgët e mëdha të Atlantikut në oqeanin e tërbuar nga një largësi prej 10 metrash, deri sa dilte në breg. Oh, çfarë çlirimi, çfarë arome uji të kripur dhe dielli përvëlues. Çfarë dritë dielli, mendoi, dritë që depërtonte kudo, ditë pas dite vere drite verbuese, e rrezatuar në detin gjallues, një thesar optik kaq i pamasë dhe i vyer, sa që i dukej sikur përmes lupës së argjendarit të gdhendur me inicialet e babait, shihte vetë planetin e përsosur, të paçmuar, që ishte shtëpia e tij, planetin një miliardë, tre miliardë, katër miliardë karat Tokë! Humbi ndjenjat, duke mos u ndier aspak i rënë, aspak i destinuar të vdiste, përsëri i gatshëm për t’u plotësuar, por gjithsesi, nuk u zgjua më kurrë. Arrest kardiak. Nuk ishte më, shpëtoi nga të qenit dhe hyri në hiçasgjë, madje pa e kuptuar fare. Ashtu sikundër kish pasur drojë se do ndodhte që në krye të herës.
“Philip Roth u kthye në një artist interpretimi në prozë dhe ishte pikërisht “zëri” i tij — “zëri” i tij — që i lidhi lexuesit me të. Dikush e lexon Rothin për tonin, për muzikën, intimitetin e besueshëm, ndonjëherë humorin shpotitës, ndonjëherë zemërimin e sinqertë, shpesh për të gjitha këto bashkë.” Joyce Carol Oates
