Kawakami, Dazai dhe Dahl

Gjinj dhe vezë

Tregon historinë e tre grave: tridhjetëvjeçares Natsu, motrës së saj më të madhe, Makiko, dhe vajzës së Makiko-s, Midoriko. Makiko ka udhëtuar për në Tokio, në kërkim të një operacioni të pakushtueshëm gjoksi. Ajo shoqërohet nga Midoriko, e cila së fundmi është bërë më e heshtur dhe e ka të vështirë të shprehë presionet e paqarta dhe të papërballueshme që lidhjen me rritjen. Heshtja e saj shërben si katalizator për secilën grua që t’u bëjë ballë frikërave dhe shqetësimeve që ka.

Dhjetë vite më vonë, në një tjetër ditë të nxehtë vere, Natsu, gjatë një udhëtimi drejt vendlindjes, lufton me identitetin e saj të paqartë, ndërsa përballet me ankthin që po plaket e vetmuar dhe pa fëmijë.


Dielli që perëndon

Dielli që perëndon nga Osamu Dazai është një nga romanet më të mira të letërsisë japoneze të shekullit të njëzetë. Botuar fillimisht në vitin 1947, romani flet për jetën e një familjeje aristokratësh të rrënuar në periudhën menjëherë pas Luftës së Dytë Botërore dhe është bërë referencë gjuhësore që nga ajo kohë. Osamu Dazai, një shkrimtar me rrënjë aristokrate, i njohur si bohem me tepri në Tokio shkroi ato që kritikët i shohin si romane përgjithësisht autobiografike që janë edhe një mjet i shkëlqyer për t’u njohur me kulturën dhe shoqërinë japoneze.

Xhejmsi dhe pjeshka gjigante

Aventura më e madhe e jetës e pret djaloshin Xhejms Henri Troter, por ai ende nuk e di! Deri atë çast ai jeton me teto Sfungjerkën dhe teto Spicën, që të dyja të liga e të tmerrshme sa s'bëhet! Jeta s'i fal asnjë kënaqësi Xhejmsit të vogël, deri kur befas një gjë çudishme ndodh në kopshtin e shtëpisë... një kokërr pjeshke majë pemes nis të rritet e të rritet pa pushim! Brenda saj ndodhen shtatë insekte, qenie të pashoqe, që do ta shoqërojnë Xhejmsin në një udhëtim magjepsës.